Vorhátíð, vorhátíð verður miðvikudaginn 15 júní frá kl.16:30-18:00 á vegum Foreldrafélagsins.
 ( Athugið að það verður örugglega sól og blíða þar sem að Fríða kom ekkert að þessari dagsetningu 
Boðið verður upp á kanilsnúða,djús og ís ásamt leikjum og sprelli. Svo munu ávextir úr Ávaxtakörfunni kíkja í heimsókn um kl.16:30 og taka nokkur lög . Hlökkum til þess að sjá ykkur 

 

Auglýsing um systkinaafslátt
 

Foreldrar eru minntir á að sækja um systkinaafslátt fyrir komandi skólaár í gegnum íbúagátt á síðu Grindavíkur. Afslátturinn tekur gildi í mánuðnum eftir að umsókn berst og gildir einungis eitt skólaár í senn, þ.e. 1. ágúst – 31. júlí. Umsóknir frá síðasta skólaári gilda ekki..

Systkinaafsláttur er samræmdur fyrir börn á stofnunum bæjarins og fyrir börn hjá  dagforeldrum.

Afsláttur vegna annars barns verður 35%.

Afsláttur vegna þriðja barns verður 70%.

Afsláttur vegna fjórða barns verður 100%.

 
Leikskólinn Laut fagnar 10 ára afmæli mánudaginn 23.maí. Við bjóðum fjölskyldum Lautarbarna í leik að okkar hætti kl.14:00 og síðan að þiggja veitingar að leik loknum. Boðsbréfið er á leiðinni til ykkar, hlökkum til að sjá ykkur smile broskall

Hvatningarverðlaun  Heimila og skóla 2016 hlaut foreldrafélag leikskólans Lautar í Grindavík.

 Foreldrafélag leikskólans Lautar í Grindavík hefur það að markmiði að efla aðkomu foreldra að starfi leikskólans og hefur verið með eindæmum hugmyndaríkt og drífandi, og komið ótrúlegustu hugmyndum í framkvæmd. „Fyrir tilstuðlan foreldrafélagsins hafa m.a. hjúkrunarfræðinemar komið og sett upp Bangsaspítala á Bangsadeginum, öll börn hafa fengið tannbursta og tannkrem í Tannverndarvikunni, boðið var upp á listasýningu og staðið var fyrir uppákomu á 112 deginum,“ kemur fram í tilnefningunni.

Í ár bárust 24 gildar tilnefningar til verðlaunanna.

 

ForeldraverdlaunHogS_110516_JSX8534
Laus störf við leikskólann Laut

Deildarstjóra og leikskólakennara vantar til starfa í leikskólanum Laut í Grindavík frá 9.ágúst. Laun eru samkvæmt kjarasamningum leikskólakennara og sambands íslenskra sveitarfélaga. Skólastjóri hefur heimild til að greiða tímabundin viðbótarlaun vegna sérstakrar hæfni, álags eða vinnuframlags.

Leikskólinn er  fimm deilda leikskóli fyrir börn frá 18 mánaða - 6 ára. Við erum ,,Skóli á grænni grein" og vinnum eftir Uppbyggingarstefnunni - Uppeldi til ábyrgðar. Gleði , hlýja og virðing eru einkunnarorð skólans. Nánari upplýsingar um leikskólann er að finna á heimasíðu hans.

Hæfniskröfur:
Leikskólakennaramenntun
Reynsla af uppeldis- og kennslustörfum með ungum börnum æskileg. 
Færni í samskiptum. 
Frumkvæði í starfi og faglegur metnaður. 
Sjálfstæð og skipulögð vinnubrögð.

Vakin er athygli á því að ef ekki fæst leikskólakennari kemur til greina að ráða annað háskólamenntað fólk eða leiðbeinendur. Karlar jafnt sem konur eru hvattir til að sækja um.

Nánari upplýsingar veitir leikskólastjóri í síma 426-8396 og 847-9859.Umsóknir berist til leikskólastjóra  á netfangið gleik@grindavik.is 

Endurnýja þarf eldri umsóknir.

Umsóknarfrestur er til 1.júní 2016

 

Kæru foreldrar

Föstudaginn 22.apríl er starfsdagur og þann dag er leikskólinn lokaður. Við hér í Laut erum reyndar búin að vinna þennan dag af okkur. En við mættum degi áður en opnað var í ágúst 2015. Þann dag var haldið námskeið með námsefninu Lubbi finnur málbein en einnig var unnið að undirbúningi fyrir skólaárið.

 

Listaverkasala/-sýning barnanna


 Laugardaginn 12.mars nk. milli kl 11:00-13:00 verður hin árlega Listaverkasala/-sýning leikskólabarna á Laut á vegum Foreldrafélagsins.

Frjáls framlög eru í listaverkin. Ágóðinn rennur í sjóð barnanna á vegum foreldrafélagsins. Við hvetjum sem flesta foreldra til þess að mæta og líta á listaverk barnanna ásamt því að fá sér kaffi og veitingar. 
Allir eru velkomnir og um að gera að bjóða ömmum, öfum, frænkum og frændum með.

Eins og kom fram verður boðið upp á kaffihlaðborð og vill foreldrafélagið leita til ykkar foreldra með veitingar á hlaðborðið ef þið hafið tök á en það er ekki skilyrði.

Tekið er á móti veitingum frá kl.10:30 á laugardagsmorguninn.
Eigum notalega stund saman í upphafi menningarviku í Grindavík.
Hlökkum til að sjá ykkur.
Stjórn Foreldrafélagsins

 
16.feb
Mömmu og ömmu kaffi
Mánudaginn 22.feb verður mömmu og ömmukaffi í Lautinni frá kl. 08:30-10:00.
Boðið verður upp á hinar víðfrægu gulrótarbollur úr Lautareldhúsinu ásamt hollu grænmeti.
Við ætlum í þetta skipti að hafa þemað blóm og hatta. Hvetjum við því ykkur kæru konur að mæta með hatta og/eða blóm. Hlökkum til að sjá ykkur
 
10.feb
Föstudaginn 12.feb. verður Gulur dagur í Laut til að sýna okkar flotta körfuboltafólki stuðning, Áfram Grindavík !!!!!!
22.janúar
Í dag  byrjar Þorrinn og líkt og undanfarin ár buðu nemendur og kennarar pöbbum,öfum og frændum til þorraveislu. Börnin skörtuðu víkingahöttum sem þau gerðu sjálf og einnig mættu fjölmargir gestir í lopapeysum.
Líklega hafa um 200 gestir komið í heimsókn til okkar í morgun. Við viljum nota tækifærið og þakka kærlega fyrir komuna sjá myndir hér

Leikur að málrækt

Við höfum verið að vinna að þróunarverkefninu Leikur að málrækt nú í vetur. En megintilgangurinn er að vinna með markvissum hætti að hvers kyns málörvun í öllu starfi leikskólans. Við byrjuðum skólaárið með því að allir starfsmenn sátu námskeið með námsefninu Lubbi finnur málbein. Síðan á starfsdegi í haust var annað námskeið í tengslum við námsefnið Tónmál sem einnig allir starfsmenn sátu.

Við höfum verið að innleiða þetta námsefni í skólastarfið nú í haust og bara gengið nokkuð vel. Nú svo núna í janúar barst okkur aldeilis liðstyrkur. Á starfsdegi nú í janúar kom hún Ásthildur B. Snorradóttir talmeinafræðingur með fyrirlestur um mikilvægi snemmtækrar íhlutunar í málörvun leikskólabarna. Hún verður verkefnastjóri yfir þróunarverkefninu fram að sumarfríi. Við munum stefna að því að vinna handbók um málörvun í leikskóla þar sem að má finna allt það námsefni sem til er sem og mats- og skimunartæki , hvernig það er notað , markmið og leiðir. Einnig er stefnt að því að gera handbók/móttökuáætlun fyrir tvítyngda nemendur. Að sjálfsögðu verður áfram unnið að innleiðingu Lubba,Tónmál og Bínu bálreiðu.

Þetta verkefni með Ásthildi verður án efa til góðs fyrir allt starfið í Lautinni en hún mun einnig koma á starfsdegi í vor ásamt því að koma með innlegg á starfsmannafundum.

 

Friðarganga 2015
 Hin árlega friðarganga Grindvíkinga verður fimmtudaginn 10. desember n.k. Gangan er samstarfsverkefni skólastofnanna í Grindavík. Athöfnin hefst kl. 09:15 við íþróttamiðstöðina en upp úr kl.08:30  gengur Laut að nýja torginu við íþróttamiðstöðina. Markmið göngunnar er að efla samkennd og samhug með því að boða jákvæðni, gleði og kærleika í samfélaginu.

Við viljum biðja þá foreldra sem að koma með börnin rúmlega 08:00 að koma með þau klædd í útifötin og eins þau börn sem eiga að mæta kl.09:00.
 DAGSKRÁ:
 1. Barnakór Grindavíkur syngur 2 lög. Undirleikari: Renata Ivan.
2. Núvitund. Umsjón: Halldóra og Harpa.
3. Sr. Elínborg flytur stutt friðarávarp og síðan verður örstutt þögn þar sem hver og einn upplifir friðinn í sjálfum sér.
4. Kórinn syngur: Bjart er yfir Betlehem.
Að loknum söng gengur hver hópur til síns skóla.
Lögreglan og starfsmenn áhaldahúss munu aðstoða við að loka götum og starfsmenn HS Orku munu sjá til þess að slökkt verði á ljósastaurum milli kl. 08:45 – 09:45.
Hvetjum foreldra til þess að taka þátt.
 ALLIR NEMENDUR MÆTA MEÐ VASALJÓS OG LÝSA UPP SKAMMDEGIÐ INNRI BIRTU.

 
Kæru foreldrar
Mánudaginn 9.nóv n.k. er starfsdagur í Laut og þann dag er leikskólinn lokaður. Allt starfsfólkið mun sitja námskeið á vegum Tónagulls og læra um námsefnið TónMál. TónMál er nýtt kennsluefni í tónlist og málörvun. Í kennsluefninu er lögð áhersla á málörvun og forlestrafærni í gegnum leik og tónlist. Þetta verður góð viðbót við þróunarverkefnið okkar "Leikur að málrækt " En fyrir höfum við verið að vinna með námsefnið Lubbi finnur málbein og hana Bínu bálreiðu.

3.sep
 

Kæru foreldrar

Hin árlegi foreldrafundur verður haldinn á sal skólans mánudaginn 7.sep n.k. Við hvetjum alla foreldra að koma og kynna sér hvað er framundan í Lautinni skólaárið 2015-2016. Dagskráin er svohljóðandi.

Kl.17:30 foreldrar barna sem fædd eru 2010, kynning á starfinu skólaárið 2015-2016

Kl.18:00 Almennur upplýsingafundur.

  • ·        Þróunarverkefnið kynnt „Leikur að málrækt „

  • ·        Kynning á Grænfánaverkefninu

18:30 – Aðalfundur Foreldrafélagsins, almenn aðalfundarstörf.

19:00 Boðið upp á súpu ala Begga og Lára og heimabakað brauð í lok fundar.

 

6.ágúst
 

Kæru foreldrar

Nokkrar breytingar á starfsmannahaldi verða nú á nýju starfsári. Nokkrir starfsmenna hafa hætt störfum og aðrir komið í staðinn. Binni, Andrea, Jóhanna hafa ákveðið að setjast á skólabekk og viljum við nota tækifærið og óska þeim velfarnaðar og þakka þeim fyrir samveruna. Nýjir starfsmenn eru Sandra sem vinnur á Múla, Guðrún Hanna á Haga og Tatjana sem verður fagstjóri inn á Akri. Bjóðum við þær velkomnar í Lautina. Einnig hafa sumir starfsmenn haft vistaskipti á milli heimastofa. Linda sem var á Múla er flutt á Haga og Guðný sem var á Eyri er einnig komin á Haga. Gauja flytur sig um set frá Hlíð yfir á Eyri og Helga Jóna flytur frá Haga yfir á Hlíð.

Þema og þróunarverkefni næsta skólaárs verður málrækt/málörvun í ýmsum myndum og ber verkefni heitið „Leikur að málrækt „ Við byrjuðum á því að fá til okkur námskeið fyrir alla starfsmenn með námsefnið Lubbi finnur málbein og var þetta virkilega skemmtilegt og fróðlegt og kemur til að nýtast vel í starfinu. Síðar í haust verður síðan annað námskeið í tengslum við málrækt sem ber heitið Tónmál en þar er áherslan lögð á kennslu í málrækt í gegnum tónlist. 
En farið verður nánar út í þema/þróunarverkefnið á foreldrafundi sem haldinn verður mánudaginn 7.sep.

 
29.júní
Í dag mánudaginn 29.júní fengum við afhentann Grænfánann í þriðja sinn. Börnin komu saman og í sameiningu var fáninn dreginn að húni. ´Síðan var boðið upp á grænt grænmeti og ávexti í tilefni dagsins. En markmið verkefnis að þessu tagi er meðal annars :
Markmið verkefnisins er að:
 • Bæta umhverfi skólans, minnka úrgang og notkun á vatni og orku.
 • Efla samfélagskennd innan skólans.
 • Auka umhverfisvitund með menntun og verkefnum innan kennslustofu og utan.
 • Styrkja lýðræðisleg vinnubrögð við stjórnun skólans þegar teknar eru ákvarðanir sem varða nemendur.
 • Veita nemendum menntun og færni til að takast á við umhverfismál.
 • Efla alþjóðlega samkennd og tungumálakunnáttu.
 • Tengja skólann við samfélag sitt, fyrirtæki og almenning

Næstu tvö árin verður unnið með þemað : "Flag í fóstur " En þá velur hver heimastofa einhvern stað í nærumhverfi leikskólans. Síðan munum við öll í sameiningu græða upp það svæði.

sjá myndir hér

 
26.júní
 Kæru foreldrar og nemendur
 Mánudaginn 29.júní n.k. fáum við Grænfánann afhentann í þriðja sinn. Athöfnin byrjar kl.10:30 og viljum við hér með bjóða ykkur að samgleðjast með okkur. Einnig hvetjum við nemendur sem og starfsfólk að mæta í grænu þennan dag
12.júní
 

Foreldrar athugið , föstudaginn 19 júní n.k Kvenfrelsisdaginn verður leikskólinn lokaður frá kl. 12:00 samkvæmt ákvörðun Bæjarstjórnar. Öll börn fá hádegisverð fyrir þann tíma.

12. 1504087 - Kosningaréttur kvenna: 100 ára afmæli
Til máls tóku: Hjálmar, bæjarstjóri og Bryndís, Guðmundur

Bæjarstjóri leggur fram eftirfarandi tillögu
Bæjarstjórn Grindavíkurbæjar samþykkir að loka öllum starfsstöðvum sínum frá og með kl. 12:00 á kvenfrelsisdaginn 19. júní næstkomandi og veita starfsfólki frí. 
Með ákvörðuninni sýnir bæjarstjórn 100 ára afmæli kosningaréttar íslenskra kvenna virðingu og hvetur starfsmenn til að taka þátt í skipulögðum hátíðahöldum þann dag sem áformuð eru í tilefni af 100 ára afmæli kosningaréttar íslenskra kvenna.

Samþykkt samhljóða
12.júní
Kæru foreldra takk fyrir komuna í dag, eins og pantað kom að sjálfsögðu nokkrir dropar en það er nú ekkert miðað við hvernig veðurguðirnir fóru með okkur í fyrra. Kærar þakkir fá foreldrafélagið okkar góða sem og Janko töframaður og Jóhann tónlistarmaður. Börnin verða öll leyst út með sápukúlum og krítum frá Foreldrafélaginu.
11.júní
Jæja, nú ætlum við að skella í eitt stykki vorfagnað í Lautinni á morgun,föstudaginn 12.júní. Við verðum með ýmsar leikstöðvar svo sem fótbolta,snúsnú,sápukúlur,krítar,smíðahorn o.fl. Við byrjum um kl.11:00 og verðum til kl.13:00. Í hádeginu skellum við pylsum/pulsum á grillið. Nú viljum við fá alla þá foreldra sem sjá sér fært að koma og leika með okkur. Endilega deilið til annarra foreldra :)

11.júní
Á morgun föstudaginn 12.júní ætlum við að taka þátt í Rokkum á sokkum. Hvetjum alla nemendur okkar að mæta í sitt af hvoru tagi af sokkum til að minna okkur á að fagna fjölbreytileikanum í samfélaginu
4.júní
Kæru foreldrar og nemendur.
Á morgun föstudag ætla allir í Lautinni að mæta í leikskólann í sínum hverfalitum
2.júní

Kæru foreldrar Stjörnuhópsbarna . Umferðarskólinn verður á Laut í dag þriðjudaginn 2 júní kl. 13:00. Stjörnuhópur frá Krók kemur einnig í heimsókn til okkar. Hlökkum til að sjá ykkur. Að sjálfsögðu eru þær Stjörnur sem eru hættar velkomnar í Umferðarskólann smile emoticon
27.maí
Minnum á útskrift Stjörnuhóps á föstudaginn 29.maí kl.14:30 á sal skólans.
27.apríl
 Við fengum peningagjöf frá Foreldrafélaginu okkar á síðasta aðalfundi félagsins. Keypt var Hljóðasmiðja Lubba sem mun nýtast öllum leikskólanum í málörvun. Viljum við þakka kærlega fyrir okkur kæra Foreldrafélag
21.apríl
 Kæru foreldar
 Foreldrafélaginu vantar eins og fimm sjálfboðaliða til þess að aðstoða við Víðavangshlaupið sem er á Sumardaginn fyrsta , mæting upp úr kl. 09:45. Vinsamlegast hafið samband við Margréti s: 698 6390 .
20.apríl
Síðastliðinn föstudag fengu við nemendur frá Fjölbrautarskóla Suðurnesja í heimsókn í Lautina. Þessi nemendur komu færandi hendi en undanfarna mánuði hafa þeir verið að smíða ýmsa hluti bæði úr málmi og tré. Gjafirnar vöktu mikla lukku hjá Lautarbörnum og viljum við þakka kærlega fyrir þessar höfðinglegu gjafir sjá hér
17.apríl
Kæru foreldrar
Frá og með 15.apríl mun Ágústa Jónsdóttir sem unnið hefur á Haga taka við sem deildarstjóri. Síðan mun Stína nokkur Páls taka við deildarstjórastöðu inn á Hlíð frá og með 1.maí.
16.apríl

Víðavangshlaup Grindavíkur á sumardaginn fyrsta

Fimmtudaginn 23. apríl kl. 11:00 verður árlegt víðavangshlaup Grindavíkur á sumardaginn fyrsta. Allir sem taka þátt fá verðlaunapening frá Bláa Lóninu. Dagskráin er eftirfarandi: 
• Hlaupið verður ræst frá sundlauginni (við hraðahindrun á Stamphólsvegi).
• Skráning á staðnum frá kl. 10:30.

 
8.apríl
Sumarlokun Lautar verður frá og með miðvikudeginum 1.júlí og svo opnum við aftur miðvikudaginn 5.ágúst
8.apríl
 Blár dagur verður á leikskólanum föstudaginn 10.apríl í tilefni af alþjóðlegum degi einhverfunnar. Því hvetjum við ykkur til að senda börnin bláklædd í leikskóplann á föstudaginn. 
 Rétt eins og blæbrigði bláa litarins eru birtingarmyndir einhverfu óteljandi því hver einstaklingur hefur sinn stað á rófinu með öllum þeim áskorunum sem einhverfu fylgja
8.apríl
8.apríl
Kæru foreldrar
Foreldranámskeiðið - Uppeldi sem virkar, færni til framtíðar verður haldið nú í vor. Um er að ræða fjögur skipti frá kl.17:00-19:00 daganna 30.apríl, 7.maí,12.maí og 19.maí.
Þátttökugjaldið er kr 2000 fyrir einstakling og kr 3000 fyrir par, innifalinn eru námskeiðsgögn og Uppeldisbókin.
Leiðbeinendur eru Fríða Egilsdóttir leikskólastjóri og Ragnhildur Hauksdóttir leikskólaráðgjafi.
Upplýsingar og skránign : ragnhildur@grindavik.is

30.mars
 

Kæru foreldrar

Þriðjudaginn 7. apríl.n.k. verður starfsdagur á Laut og þann dag er leikskólinn lokaður.

Við munum öll sem ein fara á Ipad- námskeið í Reykjavík og kynna okkur möguleikana að nýta okkur þessa tækni í starfinu. En nú nýverið fengu eldri heimastofurnar tvo Ipad hvor og einn Ipad á hvora yngri heimastofurnar . Einnig er nú Ipad í sérkennslunni í Bót. Ekki nóg með það þá eru allir deildarstjórar með sinn Ipad til að nota í starfinu.
 Síðan eftir hádegi munum við skoða leikskóla.

 

23.mars
Páskaeggjaleit verður haldin föstudaginn 27. mars klukkan 17:00 á Laut.Breytingar eru á leitinni nú frá fyrri árum en ákveðið hefur verið að börn af yngri deildum fá að hlaupa fyrr af stað og koma með eitt egg til baka áður en börn af eldri deildum og systkinum verður helypt inn á svæðið. Allir mæta þó á Laut á sama tíma. Hlökkum til að hitta sem flesta. 

Foreldrafélagið  Kv. Helga Fríður

 
17.mars
Á morgun miðvikudaginn 18.mars kemur hún Lína Langsokkur í heimsókn til okkar í Lautina kl.09:00. Þessi sýning er í boði Grindavíkurbæjar.
16.mars
Sigríður Guðmundsdóttir Hammer hefur verið ráðinn aðstoðarleikskólastjóri á leikskólanum Laut. Hún tekur við af Fríðu Egilsdóttir sem starfar nú sem leikskólastjóri. Tvær umsóknir bárust um stöðuna. Sigríður sem er leikskólakennari að mennt hefur starfað á leikskólanum Laut frá 1999 lengst af sem deildarstjóri.
10.mars
 Kæru foreldrar.
Næstkomandi laugardag 14.mars er listaverkasala og sýning barnanna okkar hér á Leikskólanum Laut frá kl. 11:00-13:00
Við í foreldrafélaginu viljum því leita til ykkar eftir aðstoð með veitingar á hlaðborðið ef þið hafið tök á því, það er alls EKKI skilyrði að koma með kökur eða annað bakkelsi en undanfarin ár hefur borðið svignað undan glæsilegum kræsingum frá ykkur og flestir eru sammála um það að Menningarvikan hefjist með sýningunni á Laut.
Við munum taka við veitingum í eldhúsinu frá kl. 10:30.
Kær kveðja Foreldrafélagið.
26.feb
Kæru foreldrar
Eins og flest ykkar vita hætta hún Bína okkar nú um áramótin og fram til þessa hefur aðstoðarskólastjóri verið staðgengill hennar. Starf leikskólastjóra var auglýst og nú hefur hún Fríða sem var aðstoðarleikskólastjóri verið ráðin sem leikskólastjóri. Nú þegar er búið að auglýsa eftir aðstoðarleikskólastjóra.
20.feb
 Kæru mömmur og ömmur ykkur er boðið í morgunkaffi mánudaginn 23.feb kl.08:30 í tilefni þess að konudagurinn er á sunndaginn. Eigum notalega morgunstund með heimabökuðu bakkelsi í byrjun vinnuvikunnar :) Hlökkum til að sjá ykkur
16.feb
 Á miðvikudaginn verður slegið upp Öskudagsballi hér í Laut, kötturinn sleginn úr tunnunni og svo smá dansiball. Á þessum degi mega börnin endilega koma í búningum eða náttfötum, en við skulum skilja fylgihluti með búningum eftir heima

6.janúar
Gleðilegt ár kæru foreldrar og nemendur.

Breytingar urðu á starfsmannahópnum nú um áramótin. Ásta Dóra ætlar að setjast á skólabekk og Ásta Björg ætlar að sinna meira nuddinu. Í þeirra starf kemur hún Sirrý Ingólfsdóttir en hún mun starfa frá kl.09:00-17:00 inn á Eyri.
Eva Rún er einnig nýr starfsmaður en hún mun leysa Sæbjörgu af á meðan hún er í fæðingarorlofi.

Nú svo er hún Bína okkar hætt eftir að hafa starfið hjá Grindavíkurbæ meira og minna frá 1978. Nú ætlar Bínan að njóta lífsins með Sigga sínum, fara í sumarbústaðinn o.fl.
Fríða aðstoðarleikskólastjóri verður staðgengill leikskólastjóra þar til ráðið verður í starf leikskólastjóra.

Viljum við nota tækifærið og þakka þeim stöllum innilega fyrir gott samstarf í gegnum árin og óska þeim alls hins besta í framtíðinni.

 
Viljum minna á starfsdaginn mánudaginn 5.jan n.k. en þann dag er leikskólinn lokaður, Allar skólastofnanir Grindavíkur eru með starfsdag á þessum degi.
11.des
Í dag var jólasamvera á sal skólans, við sungum nokkur jólalög og áttum notalega stund saman. Síðan var komið að hinni árlegu sýningu starfsmanna : Grýlusaga, en sú saga fjallar um hann afa þegar hann var lítill og óþekkur strákur og hann lenti pokanum hennar Grýlu og var borinn upp til fjalla. Að vanda vakti leikritið bæði gleði og smá ótta hjá sumum en látum myndirnar sýna stemminguna sem var í Lautinni í morgun sjá myndir
Kæru foreldrar
Minnum á Friðargönguna sem verður á föstudaginn 12.des. Við munum leggja af stað frá Laut um kl.08:30 og hvetjum við þá foreldra sem sjá sér fært að labba með okkur að taka þátt
.
Viljum benda Stekkjastaur á sem kemur víst til byggða aðfaranótt 12.des að sniðugt væri að lauma kannski litlu vasaljósi sem síðan hægt er að nota í Friðargöngunni 
10.des - Jólaball, jólaball
Kæru foreldrar
Jólaball foreldrafélagsins verður haldið hér á leikskólanum sunnudaginn 14.des.

Ballið verður tvískipt og hefst fyrra ballið sem er fyrir börnin á Hlíð og Haga kl 13:00.

Seinna ballið sem er fyrir Eyri og Múla verður síðan kl 14.30.

Boðið verður uppá heitt kakó og smákökur. Jólasveinar mæta á svæðið og dansa með okkur í kringum jólatréð
4.des
Heldri borgarar komu í heimsókn í Lautina í morgun og sýndu okkur línudans, kærar þakkir fyrir komuna sjá myndir hér

1.des
Fyrirhugaður er kynningarfundur hinn 1. desember nk. kl. 17:00 og verður hann haldinn í Grunnskóla Grindavíkur við Ásabraut.  Allt starfsfólk skólans, auk foreldra barna í leikskólanum er hvatt til að mæta á fundinn. 

 

Dagskrá:

17:00       Setning fundar

17:20       Kynning á áherslum Leikskólans Lautar

17:40       Fulltrúi Skóla ehf. kynnir sína stefnu

18:00       Fulltrúi Sigöldu ehf. (Reggio Emelia) kynnir sína stefnu

18:20       Fyrirspurnir og umræður

18: 40      Fundarlok gagnvart foreldrum.  Starfsfólk situr áfram.

19:10    Fundarlok

 
17.nóv
Jól í skókassa.
Síðastliðinn föstudag var arkað upp í kirkju til að skila af okkur Jól í skókassa. En samtals safnaðist í 43 skókassa ásamt vænri upphæð fyrir sendingarkostnaði, vel gert :) . Við teljum að með því að vinna þetta verkefni höfum við eflt samstarf á milli bæði foreldra, nemenda og starfsfólks. Einnig skapaðist tækifæri til að spjalla við börnin um þá sem minna mega sín og hvað við gætum gert þeim til hjálpar. Eflaust munum við taka þátt aftur að ári. sjá myndir hér
4.nóv
Síðastliðinn föstudagur hér í Lautinni var svolítið öðruvísi en vanalega en við héldum " Á röngunni -dag " og hvað er nú það ? Jú , sumir komu í fötunum á röngunni, við ræddum um hvað við gætum gert í staðinn fyrir það sem við vanalega gerum eins og í stað þess að ganga áfram væri hægt að ganga aftur ábak, hvísla í stað þess að tala o.s.frv. Börnin æfðu sig í að finna andstæður og ekki sakaði að allir skemmtu sér konunuglega og ekki skemmdi það fyrir að í stað þess að borða sitjandi við borð var borðað á gólfinu. Börnin voru sammála því að þetta væri besta kjötsúpa sem að þau höfðu smakkað og tengdu það að sjálfsögðu því að borðhaldið breytist í gólfhald.sjá myndir hér
30.okt
Kæru foreldrar og nemendur
Á morgun föstudaginn 30.okt ætlum við að vera með "Á röngunnidag ", og hvað er nú það ? Jú, við getum t.d. verið í fötunum á röngunni, gert ýmsa hluti öfugt miðað við venjulega. :)
 
24.okt
Bleikur dagur í Lautinni í dag, borðuðum bleika súrmjólk og boðið var upp á bleika mjólk og að sjálfsögðu skörtuðu börnin jafnt sem nemendur bleiku í tilefni dagsins. sjá myndir hér
21.okt
Nemendur Lautar færðu Bókasafninu listaverk að gjöf í tilefni formlegrar opnunnar. En eldri nemendur skólans gerðu fimm myndir úr þarfahring Uppbyggingarstefnunnar og settu í ramma og færðu Bókasafninu að gjöf. Við hér í Laut erum hæstánægð yfir nýja Bókasafninu enda stutt fyrir okkur að fara og hafa verið farnar ófáar ferðirnar í safnið frá opnun.  Sjá myndir hér
13.okt
Fengum heimsókn frá nemendum í Keili og þar á meðal var hún Sara okkar sem vann í Hag ásamt þeim Örnu, Sunnu og Þórarinn. Þau kynntu ritskoðaða útgáfu af Egilssögu. Börnin fengu að skoða muni eins og leggi,skeljar,kuðunga, krossfiska. Fengu að smakka súrt skyr,hákarl og harðfisk. Einnig fengu þau að skoða fatnað frá víkinatímanum. Þökkum kærlega fyrir heimsóknina sjá myndir hér
25.sep
Á morgun föstudaginn 26.sep ætlum við að vera með Gulann dag í Laut, hvetjum nemendur til að koma í einhverju gulu,t.d. sokkum,hárspennu eða peysu.
19.sep
Kæru foreldrar og nemendur
Jól í skókassa
Við í Laut höfum ákveðið að taka þátt í verkefninu Jól í skókassa og köllum eftir ykkar aðstoð. En jól í skókassa felst í því að fá börn jafnt sem fullorðna til þess að gleðja börn sem lifa við fátækt,sjúkdóma og erfiðleiks með því að gefa þeim jólagjafir. Við ætlum að útbúa skókassa sem hæfa 3-6 ára aldri. Hugmyndir af því sem hægt er að setja í skókassann:

*Leikföng,t.d. litla bíla,bolta, dúkkur,bangsa eða jó-jó. athugið að láta auka rafhlöður fyrlgja rafknúnum leikföngum.
*Skóladót, t.d. penna, blýanta,yddara,strokleður,skrifbækur,liti,litabækur.
*Hreinlætisvörur, óskað er eftir því að allir láti tannbursta og tannkrem í kassann sinn. Einnig má segja sápustykki, greiðu,þvottapoka eða hárskraut.
*Sælgæti, t.d. sleikjó,brjóstsykur,pez, tyggjó eða karamellur.
*Föt, t.d. húfu,vettlinga,sokka,trefil,bol eða peysu.
 Tekið er á móti framlögum í skókassana inn á skrifstofu leikskólastjóra. Einnig vantar okkur skókassa.

 Sjá nánar um verkefnið Jól í skókassa hér
15.sep
Þriðjudaginn 9.sep var foreldrafundur í Lautinni. Bína leikskólastjóri fór yfir starf vetrarins , Sigga fór yfir starfið með Stjörnunum sem er framundan, Ragnhildur leikskólaráðgjafi fór yfir ferlið varðandi Íbúagátt Grindavíkur. Síðan tók við aðalfundur Foreldrafélagsins þar sem farið var yfir fjárhagsstöðu félagsins. Tveir foreldrar hættu í stjórn félagsins , þær Rannveig formaður og Anna Karen gjaldkeri og þökkum við þeim kærlega fyrir vel unninn störf. Nýjir í stjórn félagsins eru Valgerður og Sæunn. Einnig er nýr tengiliður leikskólans við Foreldrafélagið hún Helga Jóna sem tekur við að Sæbjörgu sem er í veikindaleyfi.

Foreldrafélagið færði leikskólanum peningagjöf að upphæð kr.70,000 og viljum við nota tækifærið og þakka kærlega fyrir okkur. Að lokum var boðið upp á ljúfenga sveppasúpu og brauð að hætti Beggu og Láru. sjá myndir hér
15.sep
Föstudaginn 12.sep var Degi rauða nefsins fagnað í Laut. Börnin föndruðu rauð nef í tilefni dagsins. En með því að setja upp rautt nef lýsir fólk yfir stuðningi við réttindi barna á heimsvísu og deilir þeirri sannfæringu að öll börn eiga rétt á góðu lífi, hvar í heiminum sem þau kunna að hafa fæðst. sjá myndir hér
10.sep
Dagur læsis var á þriðjudaginn og af því tilefni komu nemendur frá Grunnskólanum í heimsókn til okkar og lásu sögur fyrir börnin. Farið var í heimsókn á Bókasafnið og að sjálfsögðu var mikið lesið og margar bækur skoðaðar þennan daginn líkt og aðra daga hér í Laut. Sjá myndir hér
 

Uppeldi sem að virkar

Grindavíkurbær stendur fyrir foreldra-

námskeiði haustið 2014

fyrir foreldra 0-7 ára barna

 

Fjögur skipti frá 

klukkan 17.00 -19.00 í

Heilsuleikskólanum Króki

           

Fimmtudagur 9. okt

Fimmtudagur 16. okt.

Þriðjudagur 21. okt.

Fimmtudagur 30. okt

 

Hvernig er hægt að:    

Hjálpa börnum að þróa með sér öryggi,

sjálfstæði og jákvæðni?

Auka eigin styrkleika og færni í

foreldrahlutverkinu?

 Nota aga á jákvæðan og árangursríkan hátt?

 Kenna börnum æskilega hegðun?

Takast á við venjuleg vandamál í uppeldi?

Koma í veg fyrir hegðunarerfiðleika?

 

Þátttökugjald er kr. 2000 fyrir einstaklinga og 3000 fyrir par.  Innifalin eru námskeiðsgögn og Uppeldisbókin.

Upplýsingar og skráning í síma 4201116 eða á netfangið ragnhildur@grindavik.is

 

Leiðbeinendur: Bylgja Kristín Héðinsdóttir, aðstoðarleikskólastjóri á Króki og  Björg Guðmundsdóttir Hammer,  leikskólakennari með M.Ed gráðu í sérkennslufræðum, deildarstjóri á Króki.

 

5.sep

Foreldrafundur - Foreldrafundur

Minnum á foreldrafundinn þriðjudaginn 9.sep á sal skólans.

kl.17:30 foreldrar Stjörnuhópsbarna mæti
Kl.18:00 verður síðan almennur fundur.

Dagskrá:

Kynnt verður starf vetrarins.
Ragnhildur leikskólaráðgjafi kynnir námskeið um foreldrafærni.
 Aðalfundur Foreldrafélagsins.

Eftir fundinn um kl. 19:00 verður síðan boðið upp á súpu og brauð.
Vonumst til að sjá sem flesta.
 

 

19.ágúst
 

Kæru foreldrar

Viljum minna á starfsdaginn sem verður föstudaginn 29.ágúst n.k. en þann dag er leikskólinn lokaður

 

SUMARHÁTÍÐ - MIÐVIKUDAGINN 25.JÚNÍ KL.10:30-13:00

Jæja veðurspekúlantar segja að sumarið kíki aðeins í heimsókn á miðvikudaginn 25 júní og af því tilefni ætlum við að halda sumarhátíð í leikskólanum frá kl. 10:30 - 13:00. Settar verða upp ýmsar stöðvar á útileiksvæðinu og hvetjum við foreldra að fjölmenna

 
 
Laus störf við leikskólann Laut
 Deildarstjóra vantar til starfa í leikskólanum Laut í Grindavík. Um 100% starf er að ræða. Vinnutími frá kl. 08:00-16:00 . Laun eru samkvæmt kjarasamningum leikskólakennara. Viðkomandi þarf að geta hafið starf 13.ágúst n.k.
Leikskólakennara vantar til starfa í leikskólanum Laut í Grindavík. Um 100% starf er að ræða. Vinnutími frá kl. 08:00-16:00. Laun eru samkvæmt kjarasamningum leikskólakennara. Viðkomandi þarf að geta hafið starf 13.ágúst n.k.Leikskólinn er fjögurra deilda leikskóli fyrir börn frá 18 mánaða - 6 ára. Við erum ,,Skóli á grænni grein" og vinnum eftir Uppbyggingarstefnunni - Uppeldi til ábyrgðar.
Gleði , hlýja og virðing eru einkunnarorð skólans.
Nánari upplýsingar um leikskólann er að finna á heimasíðu hans.
 Hæfniskröfur:
Leyfisbréf til að nota starfsheitið leikskólakennari.
Reynsla af uppeldis- og kennslustörfum með ungum börnum æskileg. 
Færni í samskiptum. 
Frumkvæði í starfi og faglegur metnaður. 
Sjálfstæð og skipulögð vinnubrögð.
Vakin er athygli á því að ef ekki fæst leikskólakennari kemur til greina að ráða annað háskólamenntað fólk eða leiðbeinendur. Karlar jafnt sem konur eru hvattir til að sækja um.Umsóknir berist til leikskólastjóra í síma 426-8396, 893-4116  og 6607317   eða á netfangið gleik@grindavik.is  Endurnýja þarf eldri umsóknir.Umsóknarfrestur er til 1.júlí 2014
21.maí
 Kæru foreldrar og Stjörnuhópur innilegar hamingjuóskir með útskriftina í gær. Við fögnuðum ekki eingöngu þessum merka áfanga í lífi Stjörnuhópsbarna í gær sem jú útskriftin er. Leikskólinn Laut fagnaði því einnig að átta ár eru liðin frá því að við fluttum í nýtt og betra húsnæði.
Áætla má að ríflega hundrað manns hafi verið viðstaddir útskriftina í gær og viljum við nota tækifærið og þakka ykkur kærlega fyrir komuna.
Begga og  Lára í eldhúsinu sáu um að enginn væri svangur í gær en veisluborðið hreinlega svignaði undan kræsingum.
Geisladiskur með myndabandi og myndum frá starfi vetrarins verður að öllum líkindum tilbúin eftir helgi en öll Stjörnuhópsbörn fá að sjálfsögðu sitt eintak.

Myndir frá útskriftinni má sjá hér

Stjörnuhópur útskriftarferð 16.maí.
 Föstudaginn 16. maí verður farið í útskriftaferð með elsta árganginn í Laut.  Lagt verður af stað frá Leikskólanum Laut upp úr 9:00.  Komum í Sorpu um 10:00 og síðan á Árbæjarsafnið um 11:30.  Þar fáum við okkur samlokur og safa að drekka.  Þar fáum við fræðslu um gamla muni og gamla tímann.  Leikum við okkur inni og löbbum um útisvæðið.  Áætlað að vera komin í leikskólann um 14:00 og þar fáum við pizzu.  Dagskrá lýkur 15:00 og fara þá börnin sem eru með viðveru lengur en það inn á sína heimastofu og hin sótt.

Sveitaferð 20.maí
Farið verður með þrjá elstu árganga leikskólans (2008, 2009 og 2010) í sveitaferð þriðjudaginn 20. maí.  Lagt verður af stað frá leikskólanum um 9:45 og áætlað að koma þangað kl 11:30.  Grillaðar verða pylsur og boðið upp á drykk.  Heimkoma um 15:30.  Gott að vera með aukafatnað og útiföt í bakpoka/tösku.
 

Útskrift Stjörnuhóps 22.maí
 Fimmtudaginn 22. maí er útskrift hjá Stjörnuhóp.  Stjörnuhópsbörn ásamt fjölskyldum sínum er boðið í athöfnina og byrjar hún 14:30 á Akri.  

 
15.apríl
 Minnum á páskaeggjaleitina sem Foreldrafélagið stendur fyrir á morgun Skírdag kl. 11:00 á leikskólalóðinna, einnig viljum við minna á starfsdaginn sem verður þriðjudaginn 22.apríl en þann dag er leikskólinn lokaður.
11.apríl
 

Laus störf við leikskólann Laut

Leikskólakennara vantar til starfa í leikskólanum Laut í Grindavík. Um 87,5% starf er að ræða. Vinnutími frá kl. 08:00-15:00. Laun eru samkvæmt kjarasamningi leikskólakennara. Viðkomandi þarf að geta hafið störf 15. maí n.k.

Leikskólakennara vantar til starfa í leikskólanum Laut í Grindavík. Um 80% starf er að ræða. Vinnutími frá kl. 08:00-16:00, fjóra daga vikunnar. Laun eru samkvæmt kjarasamningi leikskólakennara. Viðkomandi þarf að geta hafið störf 1. maí n.k.

 

 Leikskólinn er fjögurra deilda leikskóli fyrir börn frá 18 mánaða - 6 ára. Við erum ,,Skóli á grænni grein" og vinnum eftir Uppbyggingarstefnunni - Uppeldi til ábyrgðar.
Gleði, hlýja og virðing eru einkunnarorð skólans.
Nánari upplýsingar um leikskólann er að finna á heimasíðu hans.

Hæfniskröfur:
Leyfisbréf til að nota starfsheitið leikskólakennari.
Reynsla af uppeldis- og kennslustörfum með ungum börnum æskileg. 
Færni í samskiptum. 
Frumkvæði í starfi og faglegur metnaður. 
Sjálfstæð og skipulögð vinnubrögð.

Vakin er athygli á því að ef ekki fæst leikskólakennari kemur til greina að ráða annað háskólamenntað fólk eða leiðbeinendur. Karlar jafnt sem konur eru hvattir til að sækja um.

Umsóknir berist til leikskólastjóra á netfangið gleik@grindavik.is     nánari upplýsingar í síma 426-8396, 893-4116  og 6607317 

Endurnýja þarf eldri umsóknir.

Umsóknarfrestur er til 22. apríl 2014

 
7.apríl
 Lýðræði og frumkvæðni eru allsráðandi í Lautinni þessa dagann. Upp kom sú hugmynd að vera með kofabyggð í vor og sumar í leikskólanum. Finna þurfti byggingarlóð, sækja um byggingarleyfi o.fl. Einnig viljum við hér með óska eftir timbri, brettum, nöglum og hömrum. En hvað um það látum myndirnar tala sjá hér
31.mars
Börnin í Haga eru að hefja þemavinnu þessa daganna og fyrir valinu var Hafið og allt sem að því tengist. Í morgun var komið að því að kryfja fisk, nánar tiltekið ufsa. Sumum leist nú ekkert á blikuna á meðan aðrir hentu sér í verkefnið en látum myndirnar tala sjá nánar hér.
28.mars
Kæru foreldar
Nú fer hver að verða síðastur að taka þátt í viðhorfskönnunni á vegum leikskólapúlsins,,,,,,,,,,,,hvetjum ykkur til að segja ykkar skoðun, hún er mikilvæg fyrir okkur svo að við getum gert gott starf betra

12.mars
Opnun listasýningar

Föstudaginn 14.mars kl. 14:30 verður  formleg opnun sameiginlegrar listasýningar Lautarbarna og Króksbarna í húsnæði Sparisjóðsins í verslunarmiðstöðinni. Elstu börnin í Laut verða viðstödd og hvetjum við foreldra einnig að mæta.

 
11.mars
 Kæru foreldrar.
Næstkomandi laugardag er listaverkasala og sýning barnanna okkar hér á Leikskólanum Laut frá kl. 11:00-13:00
Við í foreldrafélaginu viljum því leita til ykkar eftir aðstoð með veitingar á hlaðborðið ef þið hafið tök á því, það er alls EKKI skilyrði að koma með kökur eða annað bakkelsi en undanfarin ár hefur borðið svignað undan glæsilegum kræsingum frá ykkur og flestir eru sammála um það að Menningarvikan hefjist með sýningunni á Laut.
Við munum taka við veitingum í eldhúsinu frá kl. 10:30.
Kær kveðja Foreldrafélagið.

6.mars - Uppeldisnámskeið
Grindavíkurbær stendur fyrir uppeldisnámskeiði fyrir foreldra barna á leikskólaaldri á frábæru verði.  Efni námskeiðsins byggir á bókinni Uppeldisbókin – að byggja upp færni til framtíðar.

Námskeiðið Uppeldi sem virkar – færni til framtíðar er sérstaklega þróað fyrir foreldra á Íslandi og stuðst við viðurkennd fræði og vel rannsakaðar aðferðir. Lögð er áhersla á að kenna foreldrum leiðir til að vera samtaka í uppeldinu og skapa æskileg uppeldisskilyrði sem ýtir undir færni sem líkleg er til að nýtast barninu til frambúðar. Foreldrar læra aðferðir til að styrkja eigin hæfni, laða fram æskilega hegðun barnsins og fyrirbyggja erfiðleika á jákvæðan hátt. Námskeiðið á að henta öllum foreldrum ungra barna, a.m.k. að sex ára aldri og eru foreldrar sérstaklega hvattir til að sækja það á meðan barnið er sex mánaða til 3ja ára.

Hvert námskeið er samtals 8 klukkustundir og nær yfir 4 vikur. Tímar eru einu sinni í viku, tvær klukkustundir í senn, frá klukkan 17.00 – 19.00 í leikskólanum Króki. Námskeiðsdagar eru:

Þriðjudaginn 18.mars

Fimmtudaginn 27.mars

Miðvikudaginn 2.apríl

Þriðjudaginn 8.apríl

Þátttakendur þurfa að skrá sig og er ætlast til að mætt sé í öll fjögur skiptin. Nánari upplýsingar og skráning í síma 4201116 eða á netfangið ragnhildur@grindavik.is

Leiðbeinendur: Bylgja Kristín Héðinsdóttir, aðstoðarleikskólastjóri á Króki og  Björg Guðmundsdóttir Hammer,  leikskólakennari með M.Ed gráðu í sérkennslufræðum, deildarstjóri á Króki.

Þáttökugjald er kr. 2000 fyrir einstaklinga og 3000 fyrir par.  Innifalin eru námskeiðsgögn og Uppeldisbókin.

 
4.mars
Upp hefur komið njálgur í leikskólanum, viljum við benda ykkur á þessar leiðbeiningar ef grunur leikur um þennan óbeðna gest sjá hér

27.feb Breytingar á systkinaafslætti dagvistunar, leikskóla og skólasels
Til að bregðast við óskum foreldra hefur Grindavíkurbær haft til skoðunar um nokkurt skeið að gera breytingar á fyrirkomulagi systkinaafsláttar, þannig að afsláttur komi fram milli mismunandi dagvistunarúrræða. Breytingin felur það í sér að foreldrar munu njóta systkinaafsláttar séu þau með börn hjá dagforeldri og í leikskóla, svo dæmi sé tekið. Í núverandi fyrirkomulagi fæst aðeins systkinaafsláttur séu foreldrar með fleiri en eitt barn í leikskóla eða skólaseli.  Breytingin mun því gera það að verkum að fleiri munu njóta afsláttar þar sem hann gildir þvert á kerfið, fyrir allar tegundir umönnunar, þ.e. dagforeldra, leikskóla og  lengda viðveru í grunnskóla. Tilgangurinn er að koma betur til móts við barnafjölskyldur í Grindavík og mun afsláttur fást vegna fleiri barna og í lengri tíma en nú er. Hinsvegar munu afsláttarkjörin lækka. Til skamms tíma munu því afsláttarkjör einhverra foreldra lækka, en þau munu haldast til lengri tíma og því mun ávinningurinn vera meiri þegar á heildina er litið.

 Þann 1. mars næstkomandi mun hið nýja fyrirkomulag taka gildi.  Breytingarnar eiga að gerast sjálfkrafa vegna barna sem eru nú þegar í þjónustunni, en nýir umsækjendur munu sækja um afslátt í nýrri íbúagátt bæjarins https://one.kerfisveita.is/grindavik/OnePortal/login.aspx
Föstudaginn 28.feb er starfsdagur í leikskólanum og þann dag er leikskólinn lokaður
 

 
25.feb
 Kæru foreldrar
Föstudaginn 28.feb er starfsdagur í leikskólanum og þann dag er leikskólinn lokaður
20.feb
Mömmu og ömmukaffi - mánudaginn 24.feb - kl.08:30
Eins og flestir vita er konudagurinn n.k. sunnudag og af því tilefni ætlum við að bjóða mömmum og ömmum í morgunkaffi í Lautinni frá kl.08:30-10:00. mánudaginn 24 .feb  Boðið verður upp á rjúkandi kaffi, gulrótarbollur Beggu og heitt kakó. Hlökkum til að fá ykkur í heimsókn
7.feb
Að gefnu tilefni viljum vð biðja foreldar að virða dvalartíma barna sinna og þar með starfsemi leikskólans sem og vinnutíma starfsfólks.

7.feb
Veikindi
 Útivist barna er snar þáttur í starfi leikskóla. Mikilvægt er því að börnin taki þátt í henni. Sumir foreldrar hafa tilhneigingu til að óska eftir inniveru fyrir börn sín í því skyni að verja þau gegn sýkingu og öðrum veikindum. Það er ekkert sem bendir til þess að börn sýkist fremur í útilofti en innandyra.

Við bjóðum ekki upp á inniveru barna sem fyrirbyggjandi aðgerð til að koma í veg fyrir veikindi, enda þrífst kvefveiran betur innanhúss en utan. Eftir veikindi er möguleiki  á styttri útiveru.

Fróðleiksmoli:  Kvef er algengast í börnum og talið er að hvert barn fái kvef 6-10 sinnum á ári.  Kuldi veldur ekki kvefi, heldur berast veirur með úðasmiti milli manna.  Einkenni koma fram 1-3 dögum eftir smit en mikilvægt er að skýla öndunarfærum þegar hóstað er og þvo sér vel um hendur.  Veirur sem valda kvefi lifa

 
31.jan
Nú um mánaðarmótin verða starfsmannabreytingar í Lautinni. Dagmar deildarstjóri á Múli heldur til annarra starfa og óskum við hennar velfarnaðar og þökkum fyrir ánægjulegt samstarf. Við hennar starfi tekur Lóa sem starfað hefur á Haga. Sæborg leikskólakennari mun taka við starfi Lóu inn á Haga.
28.jan
Það hreinlega fyllist leikskólinn síðastliðinn föstudag þegar hið árlega Pabba og afakaffi var haldið. Kærar þakkir fyrir komuna sjá myndir hér
22.jan
Föstudaginn 24.jan er Bóndadagur og af því tilefni ætlum við að halda hinn hefðbundna Pabba og afadag í leikskólanum. Frá kl. 08:30-10:00 verður herramönnunum boðið upp á hákarl, harðfisk og annað góðgæti. Hvetjum við sem flesta að koma og eiga góða stund saman í morgunsárið
 

22.jan
Kæru foreldrar .
Nýverið hefur verið tilkynnt um lús, einungis eitt tilflli. Æskilegt er að foreldrar kembi hár barna sinna. Vinsamlegast látið deildarstjóra vita ef að þið verðið vör við lús í hári barna ykkar. sjá nánar hér
Leikskólastjóri
3.jan.
Kæru foreldrar minnum á starfsdaginn á mánudaginn 6.janúar en þann dag er leikskólinn lokaður


Við óskum nemendum okkar og fjölskyldum þeirra gleðilegra jóla og þökkum samveruna á árinu sem er að líða.

Viljum við einnig minna á starfsdaginn sem er 6.janúar en þann dag er leikskólinn lokaður.

Gleðileg jól

 
20.des
Fengum aldeilis óvæntan gest í morgun. Í útverunni í morgun birtis allt í einu jólasveinn nánar tiltekið hann Stúfur. Hann hoppaði yfir grindverkið, gaf börnunum smáköku, dansaði og söng með þeim úti, sjá myndir hér
20.des
Við kunnum að skemmta okkur sjálf hér í Lautinni. Skapast hefur sú hefð hér í Laut að starfsfólkið taki sig til og setji upp smá leikþátt í desember byggðan á  sögunni Grýlusaga eftir Gunnar Karlsson. Að venju skemmtu bæði fullorðnir og börn sér vel eins og sjá má á myndunum hér
17.des
 Mörgum er í nöp við snjóinn en það á ekki við börnin og starfsfólk í Lautinni, við notuðum tækifærið í dag að búa til þennan líka fína snjókarl sjá myndir hér
16.des
 Upp hefur komið njálgur í leikskólanum, viljum við benda ykkur á þessar leiðbeiningar ef grunur leikur um þennan óbeðna gest sjá hér
16.des
Jólaballið í Lautinni var aldeilis skemmtilegt og fjölmennt þetta árið, dansað var í kringum jólatréð og tveir jólasveinar mættu á svæðið, öll börn sem vildu fengu mynd af sér með sveinka ef að þau vildu , sjá myndir hér.
13.des
Jólasamvera á sal skólans var í morgun, öll börnin komu saman og sungu jólalög, síðan kom áttundi bekkur í heimsókn og söng fyrir okkur. Í hádeginu var sannkallaður jólamatur sem þær Begga og Lára elduðu handa okkur , sjá myndir hér
12.des
Börnin í Laut fengu aldeilis glaðning í morgun þegar að hún Rannveig í Foreldrafélaginu kom og afhenti öllum börnunum bókargjöf frá Foreldrafélaginu, kæra þakkir fyrir okkur :) sjá myndir hér
12.des
Við fórum öll í Friðargönguna á miðvikudaginn síðasta , þetta var góð stund og hressandi að fara í göngutúr svona snemma í morgunsárið. Nemendur úr Grunnskólanum mættu í leikskólann kl. 08:00 og hjálpuðu okkar að klæða börnin og fylgjast með þeim í göngunni. Síðan þegar heim var komið var öllum boðið upp heitt kakó og smákökur , sjá myndir hér.
10.des
Friðargangan verður á morgun miðvikudag,11.des við munum leggja af stað kl.08:45 stundvíslega og viljum við biðja þá foreldra sem eru með börn sem eru með vistun frá kl.09:00 að mæta kl.08:45 með börnin klædd. Foreldrar eru velkomnir með okkur og endilega komið með vasaljós vel merkt.
5.des
Kæru foreldrar , Myndirnar frá Oddgeiri eru komnar vinsamlegast snúið ykkur til Bínu leikskólastjóra . Athugið að myndirnar verða eingöngu afhentar ef búið er að borga fyrir myndirnar.
5.des
Börnin fóru í hina árlegu kirkjuferð á þriðjudaginn, sjá myndir hér
5.des
Tilkynning frá Foreldrafélaginu
Hið árlega jólaball Foreldrafélagsins verður sunnudaginn 15.des. á sal skólans. Eldri börnin mæta kl. 13:00 og yngri mæta kl.14:30. Dansað verður í kringum jólatréð og aldrei að vita nema að jólasveinninn mæti á svæðið.
2.des
Stjörnuhópur fór í skemmtilega heimsókn í Miðgarð á dögunum. Þegar börnin okkar komu var byrjuð morgunleikfimi og að sjálfsögðu skelltu börnin sér með í leikfimina. Börnin vildu svo endilega sýna heldri borgurum hvernig æfingar þau gerðu, einn sýndi breakdans og önnur fór í splitt. Sjá myndir hér
28.nóv
Hádegisverðargjald hækkar frá og með 1.jan 2014 úr 4,390 kr í 4,570 kr. Morgunmatur og síðdegishressing hækkar úr 2,320 kr í 2,410 kr. Tímagjald fyrir vistun helst óbreytt.
26.nóv
Kæru foreldrar
okkur sárvantar jólakúlur til að föndra með......eru einhverjar jólakúlur heima hjá þér sem að þú mátt missa ?
22.nóv
Kæru foreldrar
Myndirnar frá Oddgeiri eru komnar í hús. Vinsamlegast snúið ykkur til deildarstjóranna og fáið nánari upplýsingar varðandi pantanir og greiðslu.
22.nóv
Dagur íslenskrar tungu var haldinn hér í Lautinni síðastliðinn föstudag. Sverrir Vilbergsson kom og las sögu fyrir elstu börnin. Síðan var börnunum skipt í hópa eftir aldri og lesið var fyrir öll börnin. Ýmsar sögur voru lesnar t.d. jóga og teygt aðeins á sér leiðinni,sagðar sögur o.fl. sjá myndir hér
21.nóv

Minnum á að í dag er síðasti dagurinn er viðhorfskönnunin vegna sumarlokunnar verður opinn, hvetjum ykkur til að taka þátt.

18.nóv

Kæru foreldrar
Síðast liðið haust var lögð viðhorfskönnun fyrir foreldra barna í leikskólanum Laut. Var meðal annars kannað viðhorf foreldra til sumarlokunnar leikskólans. Komu fram athugasemdir og ábendingar vegna þessa. Því var ákveðið að kanna viðhorfið nánar og er það hluti af endurmati leikskólans.
Búið er að senda könnunina í tölvupósti til ykkar. Könnunin er nafnlaus og verða niðurstöður hennar birtar á heimasíðu leikskólans. Ef að þið hafið ekki fengið tölvupóst vinsamlegast sendið tölvupóst á freda@grindavik.is
Kær kveðja

 
14.nóv
Dagskrá fyrir nóv og des er komin inn á jólasíðuna okkar sjá nánar hér
8.nóv
Þriðjudaginn 12.nóv verður myndataka hér í Laut. En hann Oddgeir ljósmyndari kemur um kl.10:00 og mun bæði taka hópmyndir -á hverri heimastofu, einstaklingsmynd og myndir af systkinum.
 
6.nóv
Rýmingaræfingin gekk stórvel í Lautinni í morgun. Viljum við þakka það góðum undirbúningi með börnum og starfsfólki. Börnin hafa fengið fræðslu um hvað eigi að gera ef að viðvörunarkerfið fer í gang og starfsfólk hefur farið vel yfir sín hlutverk. Frá því að viðvörunarkerfið hringdi og allir voru komnir úr húsi liðum líklega um 2- 3 mín. Síðan héldu allir kyrru fyrir á sínum söfnunarstað og biðu þess að mega fara aftur inn, svolítið kalt en við sungum,dönsuðum og hoppuðum í okkur hita. Síðan verður fundað með slökkviliðsstjóra og við berum saman bækur okkur hvað gekk vel og hvað má betur fara. Myndir frá æfingunni má sjá á myndasíðunni okkar eða smella hér.

Kæru foreldrar

Miðvikudaginn  6.nóv. um morguninn verður rýmingaræfing með Slökkviliði Grindavíkur. Viðvörurnarkerfið verður ræst og munum við rýma húsið. Við leggjum áherslu á að allir haldi ró sinni svo enginn verði hræddur.kær kveðja
Stjórnendur.

 
30.okt
 Tilkynning frá Foreldrafélaginu
Foreldrafélagið ætlar að bjóða til sölu hinn sívinsæla Frigg fatnað frá 66 norður núna i nóvember. Hægt verður að kaupa leggings og peysur í svörtum lit. 
Við verðum í leikskólanum mánudaginn 4.nóv á milli kl 14:00-16:00 þar sem við munum taka á móti pöntunum og greiðslu. 
Ef þessi tími hentar ekki, má hafa samband við einhvern af stjórnarmeðlimum foreldrafélagsins og við finnum hentugan tíma. 
Peysan kostar 5,500 kr og buxurnar 4,800 kr. 
Athugið að við pöntun verður að berast greiðsla. Með von um góðar undtektir.
Kveðja frá stjórnarkonum
Anna Karen, Birna, Helga Fríður, Kristín Heiða, Margrét Erla, Rannveig og Sæbjörg
29.okt
 Kæru foreldrar 
Að gefnu tilefni viljum við benda á að viðmiðunarreglur varðandi aldur barna sem sækja / koma með börn í
 leikskólann er 12 ára
Sjá nánar hér
 
16.okt - Starfsdagur
Mánudaginn 21.okt er starfsdagur í Laut, þann dag er leikskólinn lokaður
15.okt
Leikskólinn Laut er Grænfánaskóli, og viljum við leggja okkar að mörkum í þeim efnum. Eitt af þeim verkefnum er endurnýting t.d. á pappír. Hlíðarbörn og kennarar hafa verið að vinna að skemmtilegur verkefni.
Börnin í Hlíð hafa verið að tína ber og ýmsar gerðir laufblaða í náttúrunni í vettvangsferðunum sem þau fara í einu sinni í viku.
Síðan tættu börnin niður blöð og tóku tættan pappír úr tætaranum og lögðu í bleyti fyrir helgi og síðan í dag var pappírinn tilbúinn í pappamassagerðina. Bættum við síðan út í pappírsmaukið veggfóðurslími.Börnin mótuðu síðan skálar og skreyttu með berjum og laufblöðum og bíða allir spenntir að sjá útkomuna eftir nokkra daga. Sjá myndir hér
11.okt
Bleikur dagur í Lautinni í dag sjá myndir hér.
10.okt
Á morgun föstudag verður bleikur dagur í leikskólanum, hvetjum við alla sem vilja að mæta í einhverju bleiku 
4.okt Kæru foreldrar
Upp hefur komið njálgur í leikskólanum, viljum við benda ykkur á þessar leiðbeiningar ef grunur leikur um þennan óbeðna gest sjá hér
3.okt
Foreldrafærninámskeiðið UPPELDI SEM VIRKAR - FÆRNI TIL FRAMTÍÐAR mun hefjast að nýju þann 16. október og verður haldið í leikskólanum Laut. Námskeiðið verður á miðvikudögum kl. 17:00 – 19:00 í fjögur skipti.
Leiðbeinendur: Ragnhildur Birna Hauksdóttir, leikskólaráðgjafi/fjölskyldumeðferðarfræðingur og Sigríður Gerða Guðlaugsdóttir, leikskólakennari og deildarstjóri á Króki.

Skráning og frekari upplýsingar má nálgast í síma 420 1116 eða með því að senda tölvupóst á ragnhildur@grindavik.is
Við skráningu þarf að koma fram nafn, kennitala, sími og netfang forsjáraðila, kennitala barns og velja þarf námskeiðstíma. Námskeiðið gagnast best ef báðir foreldrar mæta. 
Þáttökugjald er kr. 2000 fyrir einstaklinga og 3000 fyrir par.  Innifalin eru námskeiðsgögn og Uppeldisbókin.
13.sep
Starfsáætlun 2013-2014 er nú aðgengileg á heimasíðu leikskólans og viljum við hvetja ykkur til að kynna ykkur þessa skýrslu sjá nánar hér.
11.sep
Fjölmenni var á foreldrafundi og aðalfundi Foreldrafélagsins í gær í Lautinni. Fyrst var fundað með foreldrum Stjörnuhóps og vetrarstarfið kynnt. Síðan var almennur fundur þar sem Ragnhildur leikskólaráðgjafi hélt stutt erindi um mikilvægi samstarfs heimili og leikskóla. Bína leikskólastjóri fór yfir starf vetrarins og Stína fór yfir fyrirkomulag sérkennslunnar. Aðalfundur Foreldrafélagsins tók síðan við með hefðbundin störf, farið yfir ársreikning o.fl. Foreldrafélagið færði síðan leikskólanum fjórar myndavélar að gjöf og viljum við þakka innilega fyrir þessa frábæru gjöf. Síðan var boðið upp á súpu og brauð. Kærar þakkir fyrir góðan fund. myndir sjá hér.

10.sep
  Starfsdagur

Sælir foreldrar góðir

Minnum á starfsdag Grindavíkurbæjar sem er fimmtudaginn 12.sep en þann dag er leikskólinn lokaður

Viljum benda á skóladagatal Lautar en þar er að finna ýmsar gagnlegar upplýsingar t.d. starfsdagar o.fl.

Sjá nánar hér

 
9.sep
Foreldrafundur - foreldrafundur
Kæru foreldrar.
Þriðjudaginn 10.sep verður foreldrafundur í Lautinni. Dagskrá fundarins er:
kl.17:30 Fundur með foreldrum barna í Stjörnuhóp.
kl.18:00 Almennur upplýsingafundur
kl.18:30 Aðalfundur Foreldrafélagsins.
Síðan verður boðið upp á súpu og brauð að loknum fundarhöldum. Hvetjum sem flesta foreldra að mæta.
 

3.sep
Eins og flestir vita hefur Bókabúð Grindavíkur hætt rekstri sem er vissulega miður. En nú í vikunni kom hún Sara Símonardóttir færandi hendi og gaf leikskólanum ýmsar vörur sem eftir voru í Bókabúðinni. Stílabækur,lím, skæri o.fl.

Viljum við nota tækifærið og þakka þeim hjónum Ginnu og Símon innilega fyrir að hugsa svona vel til okkar. Þetta verður svo sannarlega notað í starfinu hér í Laut.

Myndir sjá hér.
 

 
21.ágúst
Nú eru flestir nemendur komnir aftur eftir gott sumarfrí. Einnig er hafin aðlögun nýrra nemenda á Múla og Eyri. Elstu Eyrarbörnin og Múlabörnin eru flutt á Haga og Hlíð.
Þetta eru miklar breytingar fyrir alla og gefum við okkur góðan tíma til að aðlagast.
Benóný og Elva hættu störfum um sumarfrí og óskum við þeim alls hins besta í framtíðinni.
Nýir starfsmenn tóku til starfa eftir sumarfrí en þeir eru:
Auður Edda - leiðbeinandi - Hlíð
Vigdís - leiðbeinandi - Hagi
Sæbjörg - leiðbeinandi - flakkari
Ágústa - þroskaþjálfi / stuðningur
Einnig hafa orðið nokkrar tilfæringar á starfsfólki innan leikskólans. Jafnframt því hefur vinnutími nokkra starfsmanna breyst.
Við hlökkum öll til að takast á við verkefni vetrarins í Lautinni.
Einnig viljum við nota tækifærið og bjóða nýja nemendur og fjölskyldur þeirra velkomin í Lautina.

1.júlí
 Atvinna – Leikskólinn Laut
 Leikskólakennara vantar til starfa í leikskólanum Laut í Grindavík. Um 80% starf er að ræða. Vinnutími frá kl. 08:00-16:00 fjóra  daga í viku. Leikskólinn er fjögurra deilda leikskóli fyrir börn frá 18 mánaða - 6 ára. Við erum ,,Skóli á grænni grein" og vinnum eftir Uppbyggingarstefnunni - Uppeldi til ábyrgðar.
Gleði , hlýja og virðing eru einkunnarorð skólans.
Nánari upplýsingar um leikskólann er að finna á heimasíðu hans.

Hæfniskröfur:
Leyfisbréf til að nota starfsheitið leikskólakennari.
Reynsla af uppeldis- og kennslustörfum með ungum börnum æskileg. 
Færni í samskiptum. 
Frumkvæði í starfi og faglegur metnaður. 
Sjálfstæð og skipulögð vinnubrögð.

Vakin er athygli á því að ef ekki fæst leikskólakennari kemur til greina að ráða annað háskólamenntað fólk eða leiðbeinendur. Karlar jafnt sem konur eru hvattir til að sækja um.

Umsóknir berist til leikskólastjóra í síma 426-8396, 893-4116  og 6607317   eða á netfangið gleik@grindavik.is

 

25.júní - Óskilamunir
 Kæru foreldrar
Viljum benda ykkur á að mikið hefur safnast upp af óskilafatnaði hjá okkur. Vinsamlegast athugið hvort að einmana sokkar,vettlingar o.fl. er á óskilaborðinu í Rásinni við innganginn í Hlíð.

kær kveðja

kennarar í Laut

 
20.júní
Nú er sumarið komið :) Mikið fjör og mikið gaman í Lautinni í dag er hin árlega sumarhátíð var haldin í blíðskaparveðri. Settar voru upp ýmsar stöðvar svo sem smíðahorn,sápukúlur,andlitsmálning o.fl. ´Síðan var boðið upp pylsur og ís í eftirrétt í hádeginu. Viljum þakka kærlega öllum þeim gestum sem komu og áttu með okkur ánægjulega stund. Sjá myndir hér
18.júní
Sumarhátíð - Sumarhátíð - Sumarhátíð fimmtudaginn 20.júní kl. 10:30
Hin árlega sumarhátíð í samstarfi við Foreldrafélagið verður n.k. fimmtudag 20.júní kl. 10:30. Boðið verður upp á ýmsa afþreyingu svo sem andlitsmálningu,tónlistarhorn,sápukúlur, krítar o.fl. Svo verður boðið upp á pulsupartý, hvetjum við foreldra til að koma og fagna sumrinu með okkur.
18.júní- Fótboltavöllur og lýðræði
 Í aðalnámskrá leikskóla er einn af grunnþáttunum Lýðræði og mannréttindi og segir m.e.a.s. að í lýðræði taka einstaklingar afstöðu til siðferðilegra álitamála og taka virkan þátt í mótun samfélagsins. Forsenda lýðræðis er samábyrgð,meðvitund og virkni borgaranna sem gerir þá færa um að taka þátt í að móta samfélag sigg og hafa áhrif fjær og nær.

Hér í Lautinni eru margir efnilegar fótboltahetjur sem spila fótabolta eins og enginn væri morgundagurinn. Einn daginn komu þau að máli við kennara og kvörtuðu sáran yfir ástandi fótboltavallarins en hann er vægast sagt í hræðilegu ástandi sjá myndir hér. Kennarinn spurði þau hvað hægt væri að gera til að laga fótboltavöllinn og ekki stóð á svarinu : Tölum við bæjarstjórann ! Næsta verk var síðan að taka myndir og semja bréf og að lokum skrifuðu þau undir undirskriftarlista en bréfið þeirra hljóðið eitthvað á þessa leið:

Kæri bæjarstjóri
Finnst þér fótboltavöllurinn okkar fallegur ? Okkur finnst það allavega ekki. Fötin okkar og skórnir okkar verða svo skítug. Okkur finnst svo gaman í fótbolta. Viltu laga fótboltavöllinn fyrir okkur ?

Síðan var arkað á fund bæjarstjórans og honum afhent bréfið. Tók hann vel í erindi barnanna. Sjá myndir hér. Á leiðinni aftur niðrá leikskóla uppgötvuðu börnin að eitt gangbrautarljósið var óvirkt og skunduðu börnin inn á lögreglustöð til að tilkynna um bilun í gangbrautarljósi. Þessi börn eru svo sannarlega til fyrirmyndar og eru virkir þátttakendur í umhverfi sínu.
11.júní
Flestir eru orðnir langþreyttir á þessari rigningu en við ákváðum bara að nýta okkur hana til hins ýtrasta. Þessi líka flotta vatnsrennibraut var sett upp í brekkunni í morgun við mikinn fögnuð barnanna eins og myndirnar hér bera með sér.
7.júní
Fengum heimsókn frá biskupi Íslands frú Agnesi M Sigurðardóttir ásamt sóknarpresti okkar henni Elínborgu og meðhjálparanum henni Mundu. Fengu þær leiðsögn um skólann okkar og elstu börnin sungu. sjá myndir hér.
6.júní
Myndir frá útskriftarferð Stjörnuhóps og útskriftinni sjálfri er komnar á myndasíðu Stjörnuhóps - sjá hér
29.maí
 Jæja nú fer Sjóarinn alveg að skella á. Á morgun fimmtudag munum við skreyta grindverkið gegnt Nettó. Stjörnurnar munu síðan fara með rútu í Bláalónið og verða viðstödd þegar Bláfáninn verður afhentur. 
Síðan mælumst við til þess á föstudaginn að allir mæti í sínum hverfalitum
28.maí
 Kæru foreldrar- Stjörnuhópsbarna
Á morgun miðvikudaginn 29.maí fara Stjörnurnar í Umferðarskólann, lagt verður af stað frá leikskólanum kl. 08:30. Viljum við benda þeim foreldrum sem koma með börn sín kl. 09:00 í leikskólann að mæta kl. 09:00 í leikskólann Krók en Umferðarskólinn verður þar.
27.maí
Í síðustu viku voru liðinn sjö ár frá því að við fluttum í nýtt húsnæði. Á miðvikudaginn sama dag fengum við Grænfánann afhentan í annað sinn. Þemað dagsins var grænn og komu bæði börn og kennarar í grænum fötum þennan dag. Einnig heimsóttu okkur börn frá Króki sem færðu okkur gjöf. En þau hafa undanfarin ár staðið í paprikurækt og þau færðu okkur að gjöf bæði papriku úr uppskerunni en einnig voru þau búin að setja niður paprikufræ og færðu okkur , svo nú er bara að hlú vel að paprikuplöntunni og bíða þolinmóð eftir uppskerunni.
Einnig komu þó nokkrir foreldrar, skólastjóri grunnskólans Halldóra, ásamt Ásrúnu deildarstjóra í Hópsskóla en þeir skólar hafa einmitt hafið ferlið að verða skólar á grænni grein, einnig komu Róbert bæjarstjóri ásamt Steina upplýsingafulltrúa. Síðan var boðið upp á græna ávexti og grænmeti. sjá myndir á myndasíðu Lautar eða smella hér.
 
21.maí
Útskrift Stjörnuhóps

Því miður urðu smá mistök þegar miðar voru sendir út með Stjörnuhóp en útskriftin er FÖSTUDAGINN kl. 14:00 á sal skólans

21.maí
Kæru foreldrar

Á morgun 22.mai miðvikudag á 7 ára afmæli skólans  kl.10:30 munum við fá afhentann Grænfánann í annað sinn. Að því tilefni viljum við bjóða ykkur að samgleðjast okkar. Þema dagsins er grænn og að sjálfsögðu munu allir mæta í grænum og vænum fötum þennan daginn.

 
22.apríl
 Kæru foreldrar
Föstudaginn 26.apríl og mánudaginn 29.apríl verða starfsdagar í leikskólanum og þá daga er leikskólinn lokaður.Hluti starfsfólksins ætlar að fara í víking til Osló og kynna sér leikskólastarfsemi þar en þeir sem eftir verða heima munu kynna sér leikskóla í Reykjavík ásamt því að vinna í leikskólanum, fyrirlestur ofl.
18.apríl
Leikskólinn Laut er Grænfánaleikskóli og við viljum leggja okkar að mörkum til að varðveita náttúruna og gera nemendur okkar meðvitaða um náttúruvernd. Hlíðarbörn brugðust því fljótt við tilmælum þess efnis að taka þátt í Hreinsunarátakinu - Einn ruslapoki. Þau örkuðu niður í Olís og fengu ekki einn heldur þrjá ruslapoka. Síðan var farið um nágrennið og börnin voru ekki lengi að fylla pokana og fóru síðan með þá í ruslagámana á bak við Olís bensínstöðin, sjá myndir hér
18.apríl
Hlíðarbörnin hafa einnig verið að vinna með þema. Þemað þeirra er húsdýr en hvert barn valdi sér húsdýr sem að þau fræddust síðan meira um. Fljótlega fara þau einnig að vinna að undirbúningi fyrir Sjóarann síkáta. Sjá myndir frá þemastarfinu hér.
18.apríl
Jæja nú fer að styttast í Sjóarann síkáta og að venju tökum við virkan þátt í hátíðarhöldunum. Börnin í Haga eru þegar byrjuð en þau hafa undanfarið verið að vinna að þemanu - Hafið. Þau hafa fengið fræðslu um fiska, hafið ofl. Einnig hafa þau farið í vettvangsferðir í fjöruna, fiskmarkaðinn , netaverkstæðið ofl. Fiskar hafa verið krufnir og skoðaðir í krók og kima. Einnig hafa þau búið til sína eigin fiska. Myndir frá þemanu má sjá á myndasíðu Haga, sjá hér.
16.apríl
Kæru foreldrar
Við höfum stofnað Facebooksíðu fyrir leikskólann og er slóðinn : http://www.facebook.com/laut.leikskolinn endilega bætið okkur við vinalistann. Við munum setja þarna inn ýmsar hagnýtar upplýsingar og tilkynningar varðandi leikskólann.

8.apríl
Kæru foreldrar

Sumarfrí leikskólans 2013 verður frá og með miðvikudeginum 10 júlí  ( þann dag er lokað ) og opnum aftur miðvikudaginn 14.ágú

 

8.apríl
EKKI MEIR - Vinnum gegn ofbeldi.

Fræðsluerindi um einelti, forvarnir og úrvinnslu eineltismála verður haldið þriðjudaginn 9. apríl kl. 17.30 – 19.00 í Hópskóla, Grindavík.
Fyrirlesari er Kolbrún Baldursdóttir sálfræðingur og höfundur EKKI MEIR. EKKI MEIR er leiðarvísir í aðgerðum gegn einelti fyrir starfsfólk skóla, íþrótta- og æskulýðsfélög, foreldra og börn. Það sem Kolbrún fjallar um er:
Staðarmenningin og starfsfólkið.
Forvarnir gegn einelti á vinnustöðum, skólum og í félögum.
Birtingamyndir eineltis.
Þolandinn/gerandinn, aðstæður og persónueinkenni.
Afleiðingar eineltis á sjálfsmyndina.
Viðbrögð við kvörtun um einelti, vinnsla málsins frá tilkynningu til málaloka.
Helstu mistök í eineltismálum
 Það er forvarnarnefnd UMFG og Æskulýðsvettvangurinn sem stendur fyrir erindinu.UMFG hvetur þátttakendur til þess að koma með hugmyndir að slagorði um einelti. Veitt verða verðlaun fyrir best heppnaða slagorðið. Aðgerðaáætlun Æskulýðsvettvangsins gegn einelti og annarri óæskilegri hegðun og eineltis veggspjaldi verður dreift á erindinu. Á erindinu verður jafnframt hægt að nálgast bókina EKKI MEIR á kostnaðarverði.
Léttar kaffiveitingar í boði.Allir velkomnir!

 
25.mars
Viljum endilega benda ykkur á frábært myndaband sem hún Kristín okkar Páls tók og klippti saman af vetrarstarfinu okkar og var sýnt í Kvikunni í Menningarvikunni. Sjá hér

25.mars
 Páskaeggjaleit
 Fimmtudaginn 28.mars nk. (Ath. Skírdagur) stendur Foreldrafélagið fyrir páskaeggjaleit fyrir börnin á leikskólanum Laut. Leitin hefst kl. 10:30 og verður haldin á útileiksvæðinu.
Áætlaður tími í leitina er um 30-40 mín. 
Páskaeggjaleitin er nýlegur liður í starfinu og hefur orðið að skemmtilegri hefð hjá okkur í Foreldrafélaginu. Við hvetjum alla til að mæta og taka þátt með börnunum.

 Við viljum þó taka fram við foreldra að virða það að páskaeggjaleitin er hugsuð fyrir leikskólabörnin þó systkinum og öðrum er velkomið að hjálpa til.

 Kveðja frá Foreldrafélaginu

 
8.mars
Við erum komin í samvinnu með sambýlinu og mun samvinnan vera þannig háttað að við förum með  barnahóp í heimsókn til þeirra og þau koma svo til okkar.  6 börn fóru ásamt kennara í heimsókn fimmtudaginn 21 febrúar.  Tekið var vel á móti þeim, sungin voru nokkur lög og snædd hressing yfir spjalli. Sjá myndir hér.

6.mars
 Listaverkasala/-sýning barnanna
 Laugardaginn 9.mars nk. milli kl 11:00-13:00 verður hin árlega Listaverkasala/-sýning leikskólabarna á Laut á vegum Foreldrafélagsins. Frjáls framlög eru í listaverkin. Ágóðinn rennur í sjóð barnanna á vegum foreldrafélagsins. Við hvetjum sem flesta foreldra til þess að mæta og líta á listaverk barnanna ásamt því að fá sér kaffi og veitingar. 
Allir eru velkomnir og um að gera að bjóða ömmum, öfum, frænkum og frændum með.

Eins og kom fram verður boðið upp á kaffihlaðborð og vill foreldrafélagið leita til ykkar foreldra með veitingar á hlaðborðið ef þið hafið tök á en það er ekki skilyrði.

Tekið er á móti veitingum frá kl.10:30 á laugardagsmorguninn.
Eigum notalega stund saman í upphafi menningarviku í Grindavík.
Hlökkum til að sjá ykkur.
Stjórn Foreldrafélagsins

 
1.mars
 Innleiðing nýrrar menntastefnu - Lýðræði
Sveitarfélagið sótti um styrk  í Sprotasjóð og Skólaskrifstofan hefur yfirumsjón yfir þessu verkefni og hafa allir skólar í Grindavík tekið þátt í því. Við höfum verið að vinna í vetur að innleiðingu nýrrar menntastefnu og aðlaga skólanámskrár sveitarfélagsins í samræmi við nýjar áherslur.
Einn grunnþáttur í nýju Aðalnámskránni er Lýðræði. Ákveðið var að í framhaldinu að auka vægi barnanna í ákvarðanatökum hér í Lautinni. Því var efnt til lýðræðislegra kosninga þar sem börnin fengu sex valkosti um hvað þau vildu sjá á matseðlinum í marsmánuði. Hver og einn kaus og síðan var það meirihlutinn sem réði, sjá myndir hér.
1.mars
Í dag er Alþjóðlegur hrósdagur, við ætlum að vera dugleg að hrósa hvort öðru í Lautinni í dag sem og öðrum.
Nýtum tækifærið og hrósum makanum, börnum okkar, foreldrum, samstarfsfélögum, systkinum, frænkum og frændum og öllum sem við þekkjum. Eitt hrós á dag kemur hamingjunni í lag,“
1.mars
Uppbyggingarteymið okkar hér í Lautinni er búin að útbúa þennan líka fína bækling sem er ætlaður til kynningar á Uppbyggingarstefnunni bæði fyrir foreldra og nýja starfsmenn sjá hér.
27.feb
Í gær kom Möguleikhúsið í heimsókn til okkar og sýndi okkur leikritið Ástarsaga úr fjöllunum , voru börnin vægast sagt hrifinn sem og starfsmenn. Leikritið var í boði Foreldrafélagsins og þökkum við kærlega fyrir okkur, ómetnalegt að eiga svona félag í leikskólanum, sjá myndir hér.
27.feb
Það var glatt á hjalla í Lautinni á mánudaginn þegar hið árlega mömmu og ömmukaffi var í tilefni Konudagsins. Boðið var upp á heimabakað brauð og snúða. Kærar þakkir fyrir komuna, sjá myndir hér
22.feb
 Þriðjudaginn 26.febrúar kl. 10 býður foreldrafélagið börnunum upp á leiksýningu í stað jólasýningarinnar í ár. Leikritið sem varð fyrir valinu er „Ástarsaga úr fjöllunum“ ogbyggir á hinni sívinsælu sögu Guðrúnar Helgadóttur sem fjallar um tröllskessuna Flumbru og tröllastrákana hennar átta. Sýningin er á vegum Möguleikhússins. Heimasíðu leiksýningarinnar má sjá hér: http://moguleikhusid.is/moguleikhusid/leiksyningar/astarsaga_ur_fjollunum/ 
21.feb
Rithöfundurinn Guðbjörg Hlíf Pálsdóttir kíkti til okkar í gær í Lautina og las upp úr bókum sínu, þökkum kærlega fyrir okkur, sjá myndir hér.
21.feb
Mánudaginn 25.feb verður Mömmu og ömmukaffi í Lautinni frá kl. 08:30-10:00. Við munum bjóða upp á notalegaheit og kaffi og með því, vonumst til að sjá sem flesta.
21.feb
Uppeldi sem virkar - Færni til framtíðar
 Námskeiðið er ætlað foreldrum  ungra barna til að efla almenna uppeldisfærni og kenna aðferðir til að fyrirbyggja erfiðleika og þróa styrkleika. Námskeið hefjast 10. apríl í leikskólanum Króki.
Námskeið I: Miðvikudagar  10. 17. 24. apríl og fimmtudagurinn 2. maí  kl. 17:00 – 19:00
Námskeið II: Miðvikudagar  10. 17. 24. apríl og fimmtudagurinn 2. maí  kl. 19:30 – 21:30
Nánari upplýsingar og skráning á námskeiðin er í síma 420 1116 eða á netfangið ragnhildur@grindavik.is 
Leiðbeinendur námskeið I: Ragnhildur Birna Hauksdóttir, leikskólaráðgjafi/fjölskyldumeðferðarfræðingur og Sigríður Gerða Guðlaugsdóttir, leikskólakennari og deildarstjóri á Króki.
Leiðbeinendur námskeið II: Bylgja Kristín Héðinsdóttir, aðstoðarleikskólastjóri á Króki og  Björg Guðmundsdóttir,  leikskólakennari með M.Ed gráðu í sérkennslufræðum, deildarstjóri á Króki.
Við skráningu þarf að koma fram nafn, kennitala, sími og netfang forsjáraðila, kennitala barns og velja þarf námskeiðstíma. Námskeiðið gagnast best ef báðir foreldrar mæta. 
Þáttökugjald er kr. 2000 fyrir einstaklinga og 3000 fyrir par.  Innifalin eru námskeiðsgögn og Uppeldisbókin.
14.feb
Myndir frá Öskudeginum eru komnar inn á myndasíðuna okkar, sjá hér.
11.feb
Foreldrar athugið
Miðvikudaginn 13.feb er Öskudagur og þá ætlum við að slá köttinn úr tunnunni og margt fleira skemmtilegt. Börnin mega koma í náttfötum eða grímubúningum en við mælumst til þess að allir aukahlutir svo sem töfrasprotar, byssur, sverð og álíka sé skilið eftir heima.
8.feb
Fengum heimsókn frá tveim harmonikkuleikurum þeim Baldvini Arasyni og Þórólfi Þorsteinssyni ( Dói ) en þeir eru á vegum Harmonikkufélags Íslands. Félagið er á ferðalagi um landið til að kynna þetta merka hljóðfæri. Komið var saman á sal skólans og spiluðu þeir nokkur lög, sungið var og trallað sjá myndir hér.
6.feb
 Kæru foreldrar
Enn og aftur er allt orðið yfirfullt af óskilamunum hjá okkur. Endilega skoðið hvort að eitthvað sem tilheyrir ykkur sé á borðunum í Rásinni. Farið verður með alla óskilamuni í Rauðakrossinn á föstudaginn
30.jan

Foreldrar athugið
Mánudaginn 4.feb. er starfsdagur í leikskólanum og þann dag er leikskólinn lokaður.
 
25.jan
Það var líf og fjör í Lautinni í morgun þegar Þorrinn gekk í garð. Gífurlegur fjöldi af pöbbum, öfum, langöfum og frændum mættu í morgunkaffi. Boðið var upp á þorramat og rann hann ljúft niður, hákarl, pungar, sviðasulta ofl. Nefndu reyndar nokkrir að það eina sem að vantaði væri brennivínið :) Stína og Laufey mamma Jónasar í Hlíð höfðu umbreytt  Bótinni í Víkingahelli þar sem hægt var að horfa á mynd af víkingum og skoða ýmsa gamla muni. Þökkum kærlega fyrir daginn og til hamingju með daginn karlmenn :) Myndir frá deginum má sjá hér.
 
24.jan
Við notum Tákn með tali í starfinu hér í Laut, viljum benda ykkur á tengill hér á heimasíðunni þar sem táknin eru sem við erum að taka fyrir hverju sinni sjá hér.
23.jan

Janúarmánuður hefur verið örlítið frábrugðinn í starfsmannahaldinu en vanalega. Við höfum verið með vinnuskipti innan hús. Allir kennarar skipta um heimastofu a.m.k. tvisvar og prufa að starfa á yngri heimastofu og eldri heimastofu.
Deildarstjórar fara aftur á móti í vinnuskipti á öllum heimastofum. Tilgangurinn með þessum vinnuskiptum er að allir kennarar í leikskólanum fái að kynnast starfinu sem best sem fram fer í leikskólanum. Í lok vinnuskiptana skrá kennarar á þar til gert eyðublað um ýmislegt sem viðkemur vinnuskiptunum svo sem hvort að eitthvað hafi komið á óvart, hvað hægt er að læra ofl. Síðan verður unnið úr niðurstöðunum og vonandi verður það til þess að við gerum gott starf betra.
 
22.jan
Föstudaginn 25.janúar  á Bóndadaginn verður Pabba og afakaffi í Lautinni. Bjóðum við pöbbum og öfum í morgunkaffi frá kl. 08:15 - 10:00. Vonumst til að sjá sem flesta og fagna Þorra með okkur.
 

4.jan

 Málþing um skólamál 
 Hvernig skólasamfélag viljum við hafa í Grindavík? Ef þú vilt hafa áhrif á það, þá er tækifærið á málþingi á laugardaginn 12. janúar kl. 11-13:30 í Grunnskólanum við Ásabraut. Þar verða grunnþættir menntunar í sameiginlegum Aðalnámskrám leik-, grunn- og framhaldsskóla kynntir, kallað eftir hugmyndum og rætt hvernig best sé að vinna með grunnþættina í skólastarfinu.

Boðið verður upp á súpu og brauð í hádeginu að hætti Höllu Maríu.
Við hvetjum alla til að taka þátt, enda þarf heilt þorp til að ala upp barn.

 Athygli er vakin á því að nauðsynlegt er að skrá þátttöku í málþinginu til þess að auðvelda skipulagningu. Skráningafrestur er til miðnættis miðvikudaginn 9. janúar. Vinsamlegast skráið ykkur á heimasíðu Grindavíkubæjar: www.grindavik.is/skraning

  • Nánari upplýsingar um málþingið er aftast í síðustu útgáfu af Járngerði. Sjá hér.

  • Nánari upplýsingar um grunnþætti menntunar og þróunarverkefnið í Grindavík er að finna í Járngerði bls. 4 í 3.tbl. 2012. Sjá hér.

 
20.des
 Sibbi kom í morgun í sína árlegu heimsókn í Lautina og söng nokkur jólalög og spilaði á gítarinn og tóku krakkarnir vel undir sjá myndir hér.

 
20.des
Í gær fengum við góða heimsókn en eldri borgarar komu í heimsókn í Lautina og sýndu okkur líndans. Voru börnin sammála því að þetta hafi verið mjög flottur dans. Börnin sungu svo jólalög og að sjálfsögðu var boðið upp á kaffisopa eftir línudansinn. Sjá myndir á Jólasíðunni eða smella hér.
 
14.des
 Á fundi bæjarstjórnar þriðjudaginn 27.nóv síðastliðinn var tilkynnt um hækkun á þjónustugjaldskrá en almennt er hækkunin um 5 %. Ný gjaldskrá fyrir leikskóladvöl tekur því gildi frá og með 1.jan 2013. Gjaldskrána má sjá hér.
 

Jólaball

 Sunnudaginn 16.des verður hið árlega jólaball Foreldrafélagsins á Leikskólanum Laut
Hlíð og Hagi frá kl. 13:00-14:00
Múli og Eyri frá kl. 14:30-15:30

Kristín Pálsdóttir og Stefanía sjá um tónlistina og sjá til þess að allir komist í jólastuð. Að sjálfsögðu verður líka Sveinki á ferðinni til að gleðja börnin og hægt verður að taka myndir með honum á staðnum. Foreldrafélagið býður upp á heitt súkkulaði og smákökur.
Hlökkum til að sjá ykkur.

Jólakveðja frá stjórn foreldrafélagsins

 
12.des
Kæru foreldrar
Upp hefur komið njálgur í leikskólanum, viljum við benda ykkur á þessar leiðbeiningar ef grunur leikur um þennan óbeðna gest sjá hér
 
10.des
Hin árlega friðarganga Grindvíkinga verður miðvikudaginn 12. desember n.k. Gangan er samstarfsverkefni skólastofnanna í Grindavík. Gangan hefst kl. 09:00 og verður gengið fylktu liði frá hverjum skóla að Landsbankatúninu. Markmið göngunnar er að efla samkennd og samhug með því að boða jákvæðni, gleði og kærleika í samfélaginu.
Þegar komið er á Landsbankatúnið munu allir taka þátt í því að mynda friðarhringi á túninu. 
Sr. Elínborg flytur stutt friðarávarp og síðan verður örstutt þögn þar sem hver og einn upplifir friðinn í sjálfum sér. Að lokum munu allir syngja þrjú lög; Í skóginum stóð kofinn einn, Jólasveinar ganga um gólf og Bjart er yfir Betlehem við undirleik Ingu Þórðardóttur, skólastjóra Tónlistarskólans í Grindavík. Stúlknakór Grindavíkurkirkju leiðir sönginn. Að loknum söng gengur hver hópur til síns skóla.
Hvetjum foreldra til að ganga með okkur, endileg komið með vasaljós og lýsum upp skammdegið.
7.des
 Kæru foreldrar
Í gegnum tíðina hefur Foreldrafélagið okkar boðið leikskólabörnunum upp á leikrit í desembermánuði en vegna óviðráðanlegra orsaka frestast leiksýningin og verður hún að öllum líkindum í janúar á nýju ári, nánar auglýst síðar. 
30.nóv
Það hefur verið gestkvæmt í Lautinni í vikunni en hin árlegu Foreldrakaffi voru í vikunni. Börnin buðu upp á söng og piparkökur er þau höfðu bakað sjálf. Virkilega góð mæting var á öllum heimastofum og að sjálfsögðu erum við í skýjunum yfir þessum flottu foreldrum, ömmum, öfum , frænkum og frændum sem sáu sér fært að koma til okkar. Myndir frá vikunni má sjá á Jólasíðunni okkar eða smella hér.
23.nóv
Filippeyskur dagur var í Lautinni í dag. Þeir Gabríel Máni og Kent Örn kynntu land sitt og þjóð ásamt henni Stínu. Mamma hans Kents hún Charlyn kom með núðlurétt, vorrúllur og ferskan kókosdrykk. Pabbi hans Gabríels hann Hajie eldaði kjúklingasúpu fyrir okkur og bakaði brauð. Síðan fengu allir eftirrétt. Skemmtilegur dagur - myndir á myndasíðu eða smella hér
21.nóv
Að gefnu tilefni -
Börn sem ekki eru fullfrísk ættu ekki að koma í leikskóla bæði vegna smithættu af einhverjum toga og til að reyna að draga úr vanlíðan barnanna því ekki er hægt að veita þeim sömu umönnun þar og heima. Lyfjagjafir á leikskólatíma eiga í flestum  tilfellum að vera óþarfar ef læknir framvísar lyfi með tilliti til þess. Veikist barnið skal það dvelja heima þar til það hefur verið hitalaust í að minnsta kosti 1-2 sólarhringa. Foreldrar hafa tilhneigingu til að óska eftir inniveru fyrir börn sín í skyni að verja þau gegn veikindum. Það er ekkert sem bendir til þess að börn sýkist frekar í útilofti en innandyra. Börn sem dvelja langdvölum innandyra eru oft kulsælli og viðkvæmari en þau börn sem vön eru útiveru.
21.nóv
Kæru foreldrar
Viljum minna ykkur á að hafa alltaf í leikskólatöskunni : föt til skiptanna, pollaföt, kuldagalla, húfu, sokka og vettlinga.
16.nóv
Katrín Jakobsdóttir menntamálaráðherra var ásamt föruneyti í Grindavík á Degi íslenskrar tungu.Ráðherranum var kynnt starfsemi grunnskólans. Róbert Ragnarsson bæjarstjóri, skólastjórnendur og ýmsir fleiri tóku á móti ráðherranum og kynntu henni m.a. þá uppbyggingu sem fram undan er í skólanum en þar á að byggja sem kunnugt er tónlistarskóla og bókasafn við skólann. Þá var vel tekið á móti ráðherranum á leikskólunum Laut og Króki.sjá frétt hér
16.nóv
Dagbjört Ásgeirsdóttir kom í heimsókn til okkar á Degi íslenskrar tungu og las upp úr bók sinni Gummi fer á veiðar með afa sínum - sjá myndband hér.
16.nóv

Myndband af söng barnanna í Hlíð og Haga frá því fyrr í morgun. sjá hér
16.nóv - Dagur íslenskrar tungu.
Fengum góða heimsókn frá eldri borgurum úr Miðgarði í morgun. Börnin sungu nokkur lög og svo var boðið upp á vöfflur með rjóma með kaffinu. Er við spurðum börnin síðan í hádeginu hvað ,,eldri borgari " væri var einn snöggur að svara : Já , ég veit svona eldra fólk sem býr í borgum :) - sjá myndir á myndasíðunni eða smella hér.
16.nóv
Fyrsti snjórinn kom í nótt og börnin hér í Lautinni voru hreinlega friðlaus að fara út og þau fyrstu voru komin út kl. 09:00 morgun - þau voru hreinlega eins og beljurnar fyrst á vorin - bara yndislegt - sjá myndir hér.
13.nóv
Er líða fer að jólum.......nei það er nú ennþá langt til jóla en við erum búin að setja inn dagskránna fyrir nóvember og desember inná Jólasíðunna okkar. eða smella hér.

 
6.nóv
Nú er viðhorfskönnun í gangi hjá okkur í Lautinni - endilega hafið sambandi við deildarstjóra til að taka þátt.
1.nóv
Endurmatsskýrsla fyrir starfsáætlun 2011-2012 er komin á heimasíðuna sem og starfsáætlun fyrir 2012-2013 - sjá undir Upplýsingar eða smella hér.
19.okt


Í dag var Nepalskur dagur í Lautinni . Hann Sigurjón í Haga kynnti Nepal fyrir okkur í máli og myndum með aðstoð frá henni Stínu. Við fengum uppskrift að ljúffengum nepölskum kjúklingarétti og meðlæti frá Eygló mömmu Sigurjóns sem hún Begga eldaði að sinni alkunnu snilld. Eygló og Flóvent komu svo og borðuðu með okkur - skemmtilegur dagur. Myndir frá Nepalska deginum má sjá hér

Fyrir um þrem vikum var Amerískur dagur hjá okkur en þá kynnti hún Svanhildur í Hlíð okkur fyrir henni Ameríku og fengum við hamborgara og franskar í matinn þá. Myndir frá Ameríska deginum má sjá hér.
 
15.okt
Viljum minna gesti heimasíðunnar að skrifa í Gestabókina okkar en hana má finna neðst niðri í hægra horninu  :) á forsíðunni
12.okt
Bleikur og fallegur dagur í Laut , sjá myndir hér.
 
11.okt

Hér fyrir neðan er bréf sem við fengum sent frá Krabbameinsfélagi Íslands varðand bleikan föstudag þann 12.okt.  Við ætlum að taka þátt í deginum og hvetjum við starfsfólk og nemendur að vera í einhverju bleiku þennan dag.
 

Bleikur föstudagur
Október er mánuður Bleiku slaufunnar og árveknis- og fjáröflunarátaks Krabbameinsfélags Íslands geng krabbameini hjá konum.
Af því tilefni biðjum við alla landsmenn að klæðast einhverju Bleiku föstudaginn 12. október eða hafa bleikan lit í fyrirrúmi þann dag.  Með því sýnum við samstöðu í baráttunni.
Bleiki dagurinn hefur notið mikilla vinsælda undanfarin ár- ekki síst á vinnustöðum og skólum þar sem fjöldinn allur hefur brugið á leik.  Keppnir hafa verið haldnar um skemmtilegasta klæðaburðinn, flottustu bleiku kræsingarnar og ýmislegt annað.  Við hvetjum fólk til að njóta dagsins saman og vekja um leið athygli á árverknisátakinu.  Ef ykkur vantar bleikar vörur eða hugmyndir að bleikum degi, bendum við á síður okkar www.krabb.is og http://facebook.com/bleikaslaufan.
Okkur þætti vænt um ef þið mynduð taka þátt í þessu með okkur og senda okkur síðan myndir á laila@krabb.is eða setja inn á http:/facebook.com/bleikaslaufan.
Tökum deginum létt og klæðumst bleiku til tákns um 
samstöðu í baráttunni gegn krabbameini hjá konum!
Sjáumst bleik á föstudaginn,
Starfsfólk Krabbameinsfélagsins

 
2.okt
 Föstudaginn 5.okt er sameiginlegur starfsdagur allra starfsmanna hjá Grindavíkubæ, þann dag er leikskólinn lokaður
27.sep
 Hafþór Óli á Múla kom færandi hendi í gær og kom með risakrabba til að sýna krökkunum í leikskólanum. Krabbinn vakti mikla athygli og flakkaði á milli heimastofa. sjá myndir hér.
27.sep
 Hún Sigrún María á Múla kom með kartöflur, gulrætur og rófur og færði leikskólanum. En uppskeran var svo mikil hjá fjölskyldu hennar að hún ákvað að láta okkur njóta góðs af. Sigrún María færði henni Beggu kokk krásirnar og þökkum við kærlega fyrir okkur. Myndir má sjá hér.
 
26.sep
 Alþjóðlegi skólamjólkurdagurinn - Mjólkursamsalan sendi öllum börnum leikskólans litlar mjólkurfernur í tilefni dagsins. Þótti mikið sport að drekka mjólkin úr fernum með röri - sjá myndir hér
24.sep
 Dagskrá fyrir Stjörnuhóp er komin á heimasíðuna og einnig hafa foreldrar fengið dagskrána senda í tölvupósti, sjá dagskrána hér.
 
7.sep
 Kærar þakkir fyrir komuna foreldrar góðir á foreldrafundinn í gær. Gaman að sjá svona marga foreldra. Kennarar voru búnir að setja fram kennslugögn og spjölluðu við foreldra , virkilega notaleg stund. Svo bauð hún Begga okkar upp á dýrindissúpu og nýbakað brauð.  Myndir frá fundinum má sjá hér. Foreldrafélagið okkar hélt sinn aðalfund og gjaldkeri fór yfir fjármálin sem má sjá hér.
 
5.sep
 Starfsdagur
Kæru foreldrar
Mánudaginn 10.sep er starfsdagur í Laut.
Þann dag er leikskólinn lokaður.
3.sep
Foreldrafundur - fimmtudaginn 6.sep.
Foreldrafundur verður haldinn á sal skólans fimmtudaginn 6.sep. Foreldrar Stjörnuhópsbarna - fædd 2007 mæti kl. 17:30- kynning verður á starfi Stjörnuhópsbarna í vetur.
Almennur foreldrafundur hefst síðan kl. 18:00 - kynnt dagskrána sem er framundan í vetur. Foreldrum er boðið að skoða leikskólann og kynna sér starfið. Aðalfundur foreldrafélagsins. Begga mun síðan bjóða upp á dýrindissúpu og nýbakað brauð.
 
30.ágúst
Í gær voru teknar upp kartöflur en umsjón með því hafði hún Sara garðyrkjumeistari - myndir má sjá hér - að sjálfsögðu voru þær síðan borðaðar í hádeginu.
 
20.ágúst
Starfsmannabreytingar í haust, nýir starfsmenn eru Benóný, Sigríður G og Elva Björk og bjóðum við þau velkomin. Svo eru smá tilfæringar á milli heimastofa og breytingar á vinnutíma :
Hlíð- Binni kl. 12:00-14:00, Hjördís kl. 07:45-12:00, Þórhildur kl. 09:00-13:00
Hagi- Sara kl. 09:00-17:00, Sigríður G kl. 08:00-13:00
Eyri - Valdís / Ásta B kl. 09:00-17:00 þrjá daga / tvo daga í viku
Múli- Sigríður H kl.08:00-16:00, Elva B kl. 09:00-14:00

 
15.ágúst
Skóladagatalið fyrir skólaárið 2012-2013 er komið á heimasíðuna undir Upplýsingar eða smella hér.

 


15.ágúst
Allir komu endurnærðir og hressir eftir gott sumarfrí. Elstu börnin frá Eyri og Múla eru nú flutt yfir á Hlíð og Haga. Flutningurinn hefur gengið stórvel enda fengu þau góðan undirbúning fyrir sumarfrí. Nýir nemendur eru að byrja þessa dagana og viljum við nota tækifærið og bjóða þá og fjölskyldur þeirra velkomin í Lautina.
 
6.júlí
Nú er alveg að skella á sumarfrí hjá okkur. Viljum við nota tækifærið og þakka börnunum sem eru að hefja skólagöngu í Hópsskóla samveruna á liðnum árum. Svo hittumst við öll aftur hress og endurnærð mánudaginn 13.ágúst

6.júlí
Elstu börnin sem ganga nú undir nafninu Prakkarar í Draugskógi fóru í gær í starfskynningu á fótboltavöllinn. Beggi vallarvörður og Scotty tóku á móti okkur og sýndu okkar allt á fótboltasvæðinu. Scotty sýndi okkur boltakúnstir og spilaði með okkur fótbolta. Við spurðum strákana hvort að þeir vissu hver væri þjálfarinn hjá meistaraflokk og þeir voru ekki lengi að svara : Já, Páll Óskar - en myndir frá deginum má sjá hér.

27.júní

Laus störf við leikskólann Laut

Leikskólakennari

Um 100 % starf er að ræða frá miðjum ágúst .
Leikskólakennari óskast til starfa í leikskólanum Laut í Grindavík. Leikskólinn er fjögurra deilda leikskóli fyrir börn frá 18 mánaða – 6 ára. Við erum ,,Skóli á grænni grein“ og vinnum eftir Uppbyggingarstefnunni - Uppeldi til ábyrgðar.Gleði , hlýja og virðing eru einkunnarorð skólans.
Nánari upplýsingar um leikskólann er að finna á heimasíðu hans:

http://leikdal.simnet.is/
 

Hæfniskröfur

Leyfisbréf til að nota starfsheitið leikskólakennari
Reynsla af uppeldis- og kennslustörfum með ungum börnum æskileg
Færni í samskiptum
Frumkvæði í starfi og faglegur metnaður
Sjálfstæð og skipulögð vinnubrögð

Vakin er athygli á því að ef ekki fæst leikskólakennari kemur til greina að ráða annað háskólamenntað fólk eða leiðbeinendur. Karlar jafnt sem konur eru hvattir til að sækja um.

Starfsmaður í leikskóla með stuðning

Um 62,5% starf  er að ræða frá miðjum ágúst

Hæfniskröfur
Æskilegt er að umsækjandi hafi lokið námi  fyrir stuðningsfulltrúa eða sambærulegu námi.
Reynsla af störfum með fötluðum börnum er æskileg.

Umsóknarfrestur er til 3. júlí n.k. og þurfa umsóknir að berast til leikskólastjóra.

Nánari upplýsingar veitir Albína Unndórsdóttir leikskólastjóri í síma 426-8396 og 660-7317 eða  albin@grindavik.is

 
15.júní
Mikið fjör og mikið gaman á Sumarhátíðinni. Við fengum unga tónlistarmenn sem spiluðu og sungu, Grimmhildur galdrakerling mætti á svæðið, furðufiskar, fallhlíf, sápukúlur ofl. Eitthvað var grillið að stríða okkur þannig að bornar voru fram hitaðar pylsur upp á gamla mátann. Mikill fjöldi af foreldrum, ömmum og öfum kíktu í heimsókn og nutu þess að vera með okkur í góða veðrinu. Sjá myndir hér.

12.júní

Sumarhátíð 15.júní

Föstudaginn 15.júní frá kl. 10:30-13:00 verður sumarhátíð í Laut. Boðið verður upp á ýmsar stöðvar svo sem fallhlíf, krítar, sápukúlur, andlitsmálun, smíðahorn ofl.

Hvetjum foreldra til að koma við og skemmta sér með okkur.

 
31.maí
Nú eru að kveðja okkur 19 börn sem munu hefja nám í grunnskóla í haust. Við útskriftina í síðustu viku var sýnt stutt myndband þar sem spjallað var við börnin á léttum nótum. Myndbandið má sjá á myndbandasíðunni okkar eða smella hér. Einnig er hægt að skoða myndir frá útskriftinni - smella hér og útskriftarferðinni - smella hér.
 
31.maí
Á morgun föstudag ætlum við að mæta í hverfalitunum í leikskólann, appelsínugulum, rauðum, grænum og bláum
 
23.maí
Á morgun fimmtudaginn 24.maí verður útskrift Stjörnuhóps kl. 15:00 á sal skólans.
 
14.maí
Myndir frá sveitaferðinni eru komnar á heimasíðuna - sjá hér.
14.maí
Forsetahjónin komu í heimsókn í Lautina í dag. Ólafur Ragnar og Dorrit skoðuðu leikskólann og spjölluðu við börnin. Dorrit skellti sér í leikfimi hjá Guðlaugu inn á Akri, prufaði trampólínið og rimlana. Börnin sungu afmælissönginn fyrir Ólaf Ragnar og að sjálfsögðu var íslenska fánanum flaggað í tilefni afmælisins líkt og þegar Lautarbörn eiga afmæli. Einnig komu fréttamenn frá Stöð 2 og tóku viðtöl við börnin. Sjá myndir frá heimsókninni hér.
 
8.maí
Föstudaginn 11.maí munum við fara í sveitaferð upp í Kjós nánar tiltekið sveitabæinn Grjóteyri. Börn sem eru fædd 2006-2007 og 2008 munu fara í þessa ferð og verður lagt af stað með rútunni kl.10:00 og áætluð heimkoma á milli kl. 15:00-15:30. Munum að klæða okkur eftir veðri.

 
4.maí
Gulur og blár dagur - Körfuboltahetjur í heimsókn
Lautin var blá og gul í dag en fjölmargir mættu í bláu og gulu í dag, börn jafnt sem kennarar. Síðan eftir hádegi komu tvær körfuboltahetjur þeir Óli og Lalli í heimsókn með bikarinn góða og voru börnin mjög hrifinn. Vildu svo sýna þeim köppum ýmsa körfuboltatakta, klárlega hetjur framtíðarinnar - sjá myndir hér.
 
3.maí
Gulur og blár dagur - föstudaginn 4 maí
Í leikskólanum ríkir körfuboltaæði og að sjálfsögðu er allir í sigurvímu. Þess vegna ætlum við að hafa Gulan og bláann dag á morgun föstudag. Allir sem einn mæta í einhverju gulu og bláu. Áfram Grindavík
 
24.apríl
Mikið hefur safnast upp af óskilamunum og hvetjum við foreldra til að skoða, bæði á eldri heimastofum og yngri.  Eftir viku munum við gefa það sem eftir verður í Rauðakrossinn.
20.apríl
Starfsdagar - starfsdagar
Föstudaginn 27.apríl og mánudaginn 30.apríl verða starfsdagar í leikskólanum. Þessa daga er leikskólinn lokaður.
 
16.apríl
Fengum aldeilis fína heimsókn í morgun Madrígalakór Menntaskólans í Mountain View í Kaliforníu. Komið var saman á sal skólans og sungu þau fyrir okkur nokkur lög og að sjálfsögðu tókum við lagið einnig . Einnig færðu þau hverju barni uppblásinn bolta sem sló aldeilis í gegn. Síðan skoðuðu þau leikskólann okkar og léku sér við börnin. Myndir frá heimsókninni má sjá hér og stutt myndbrot hér.
 
16.apríl
Víðavangshlaup og fjölskylduratleikur á sumardaginn fyrsta
 

Árlegt víðavangshlaup er samstarfsverkefni grunnskólans, foreldrafélaga grunn- og leikskóla, bæjarins, eldri borgara o.fl. Að þessu sinni gefst foreldrum, öfum og ömmum tækifæri til að taka þátt í víðavangshlaupinu og því eru þau hvött sérstaklega til að skrá sig.

 

Markmið dagsins er að fjölskyldur geti sameinast í að gleðjast saman þegar sól hækkar á lofti og Grindvíkingar allir sameinast um að láta geisla hennar hafa áhrif á gott hjartalag.

Hlaupið verður ræst frá sundlauginni. Skráning í sundlaug Grindavíkur frá kl. 10:30. 
Keppt verður í eftirfarandi flokkum og vegalengdum:
- Leikskólabörn, 1. og 2. bekkur - tæpur 1 km.
- 3. - 4. bekkur. 1,5 km.
- 5. - 7. bekkur. 2,0 km.
- 8. - 10. bekkur. 2,5 km.
- Foreldrar, afar og ömmur. 2,5 km.
Allir sem taka þátt fá þátttökuverðlaun.

Fjölskylduratleikur:

 

- Til að gera meira úr viðburðinum mætti setja upp fjölskylduratleik á íþróttasvæðinu og næsta nágrenni. Fjölskyldur hafa daginn til að fara í gegnum hann og skila svörum í afgreiðslu sundlaugarinnar. Dregnir yrðu út 1 - 3 vinningar úr réttum lausnum.

Hlaupið er samstarfsverkefni Grunnskólans og foreldrafélaga grunn- og leikskóla.

 
4.apríl
Halla María kom með litla "páskaunga " í Lautina í morgun til að sýna krökkunum. Vöktu þessir litlu hnoðrar mikla athygli. Takk kærlega fyrir að hugsa til okkar Halla María. Myndir frá heimsókninni má sjá hér

Óskum nemendum og foreldrum gleðilegra páska og sjáumst hress og kát þriðjudaginn 10.apríl
 
2.apríl
Myndir frá páskaeggjaleitinni má sjá hér - mikið fjör og mikið gaman
 
28.mars
 Páskaeggjaleit
Laugardaginn 31.mars nk. stendur Foreldrafélagið fyrir páskaeggjaleit fyrir börnin á leikskólanum Laut.
Leitin hefst kl. 11:00 og verður haldin á útileiksvæðinu. Áætlaður tími í leitina er um 30-40 mín.
Páskaeggjaleitin var haldin í fyrsta sinn í fyrra og voru allir virkilega ánægðir með þessa nýbreytni svo við hvetjum alla að mæta og taka þátt með börnunum. Við viljum þó taka fram við foreldra að virða það að páskaeggjaleitin er hugsuð fyrir leikskólabörnin þó systkinum og öðrum er velkomið að hjálpa til.

Kveðja frá Foreldrafélaginu
26.mars
Á morgun þriðjudag verður Rafmagnslaus dagur í Lautinni. Við erum skóli á grænni grein og við erum að leggja okkar að mörkum til að spara rafmagn og jafnframt fer fram fræðsla um hvað var gert í gamla daga þegar ekkert var rafmagnið. Sem sagt engin ljós, enginn spiluð tónlist , engar tölvur ofl.
 
22.mars
Fengum góða heimsókn frá Tónlistarskólanum í morgun - Ungir upprennandi trommuleikarar sýndu okkur listir sínar - börnin voru flest öll mjög hrifin og mátti sjá nokkur sýna flotta trommutakta seinna um daginn - stutt myndband frá heimsókninni er á myndbandasíðunni okkar eða smella hér.
 
21.mars
Elstu börnin okkar í Stjörnuhóp fóru vopnuð myndavél í vettvangsferð á dögunum. Markmiðið var að þau veldu sér sitt viðfangsefni til að mynda og finna heiti á sína mynd. Segja má að ýmsar skemmtilegar myndir hafi litið dagsins ljós, afraksturinn má sjá hér. Síðastliðinn mánudag skunduðu þau síðan upp í Verslunarmiðstöð og hengdu upp myndirnar sínar sem verða til sýnis í Menningarvikunni sjá myndir hér
 
19.mars
Fjölmennt var á listaverkasölu Lautarbarna síðastliðinn laugardag. Veisluborðið svignaði undan kræsingum. Foreldrafélagið sér um þessa uppákomu en undanfarnar vikur hafa börnin stundað listsköpun af  fullum krafti. Ágóðinn af listaverkasölunni ráðstafar síðan Foreldrafélagið til góðra hluta. Myndir frá deginum eru á myndasíðu Lautar eða smella hér.

 

14.mars
Laugardaginn 17.mars nk. milli kl 11:00-13:00 verður hin árlega Listaverkasala/-sýning leikskólabarna á Laut á vegum Foreldrafélagsins. Frjáls framlög eru í listaverkin. Ágóðinn rennur í sjóð barnanna á vegum foreldrafélagsins. Við hvetjum sem flesta foreldra til þess að mæta og líta á listaverk barnanna ásamt því að fá sér kaffi og veitingar.
Allir eru velkomnir og um að gera að bjóða ömmum, öfum, frænkum og frændum með. Eins og kom fram verður boðið upp á kaffihlaðborð og vill foreldrafélagið leita til ykkar foreldra með veitingar á hlaðborðið ef þið hafið tök á en það er ekki skilyrði. Tekið er á móti veitingum frá kl.10:00 á laugardagsmorguninn.
Eigum notalega stund saman í upphafi menningarviku í Grindavík.

Hlökkum til að sjá ykkur.

Stjórn Foreldrafélagsins

 
9.mars
Starfsmannabreytingar
María Petrína hefur látið af störfum en hún tekið við leikskólastjórastöðu við ungbarnaleikskóla stúdenta Leikgarð. Við viljum þakka henni fyrir gott samstarf og óskum henni alls hins besta í framtíðinni. Við hennar starfi tekur Fríða Egilsdóttir.
 
23.feb
Margar furðuverur voru á kreiki í Lautinni í dag, börn í náttfötum, beinagrindur, prinsessur ofl. ofl. Við komum saman á sal skólans, slógum köttinn úr kassanum sem reyndist nú bara vera snakk en ekki köttur. Svo slógum við upp smá dansiballi. Myndir á myndasíðunni eða smella hér.
21.feb
Sumarfrí leikskólans verður frá og með 9 júlí og opnum aftur mánudaginn 13.ágúst
 
20.feb
Miðvikudaginn 22. feb er Öskudagur og munum við slá köttinn úr kassanum á sal skólans og halda smá dansiball. Börnin mega gjarnan koma í náttfötum eða grímubúningum í leikskólann - en geymum alla fylgihluti heima.
 
20.feb
Eyrnalokkur fannst í leikskólanum - eigandinn getur nálgast hann hjá Bínu - sjá mynd hér.
20.feb
Það hreinlega fyllist leikskólinn í morgun af fallegum mömmum og ömmum í dag. En í tilefni konudagsins sem var í gær var þeim boðið í morgunkaffi, Beggubollur, kaffi og heitt kakó með rjóma. Kærar þakkir fyrri komuna - myndir á myndasíðunni eða smella hér.

 
20.feb
 

Leikhúsferð – Foreldrafélagið

Fyrirhugað er að fara í Borgarleikhúsið 4.mars nk.

Hægt verður að velja á milli tveggja sýninga :

Galdrakarlinn í OZ: Einn vinsælasti fjölskyldusöngleikur allra tíma og    ætlaður börnum frá 4 ára aldri.

Miðaverð á Galdrakarlinn í OZ er kr. 3.750 fyrir börn og fullorðna. Verð fyrir leikskólabörn er kr. 3.000 með niðurgreiðslu Foreldrafélagsins.

Gói og Baunagrasið: Sýning þar sem Gói og Þröstur Leó opna dyr leikhússins upp á gátt og blása lífi í gömul ævintýri. Eins og nafnið gefur til kynna er viðfangsefni þeirra nú ævintýrið um "Jóa og Baunagrasið". Á ferðalagi sínu nýta þeir til hins ýtrasta leik, söng og dans og bregða sér í allra kvikinda líki. Sýningin hentar öllum aldurshópum.

Miðaverð á Góa og Baunagrasið er kr. 2.500 fyrir börn og fullorðna. Verð fyrir leikskólabörn er kr. 1.750 með niðurgreiðslu Foreldrafélagsins.

 

Skráningarblöð eru á hverri heimastofu og skráningu lýkur fimmtudaginn 23.febrúar.

Kær kveðja

Stjórn Foreldrafélagsins

 
9.feb
Fengum góða heimsókn um daginn en þá komu þeir Krissi lögga og Lúlli löggubangsi í Lautina, spjallað var um umferðarreglur og tekið lagið, sjá myndir hér og stutt myndband hér.

 
7.feb
Síðastliðinn föstudag var Stærðfræðidagur og voru ýmis verkefni tengd stærðfræði unnin hér í Lautinni sjá myndir hér
 
7.feb
30-jan til 3 feb var Tannverndarvika, við gerðum ýmis verkefni tengt tönnunum okkar t.d. hvað er hollt og hvað er óhollt fyrir tennurnar. Ýmislegt fleira var gert í vikunni- við gerðum tilraun með tvö soðin egg, settum annað í vatn og hitt í kók - afraksturinn af þessari tilraun má sjá á myndasíðunni okkar eða smella hér.
6.feb
Í dag 6.feb. er merkisdagur í íslenskri leikskólasögu því þann dag árið 1950 stofnuðu frumkvöðlar leikskólakennara samtök sín. Í tilefni þess héldum við smá hátíð hér í Lautinni. Við drógum íslenska fánann að húni, hittumst á sal þar sem hver heimastofa var með smá atriði , síðan var boðið upp á vöfflur með rjóma. Sjá stutt myndband og myndir hér.
 
30.jan
Stjörnuhópsbörnin okkar hafa verið að vinna skemmtilegt verkefni inn á Skála. Stjörnuhópsbörnin gerðu þessa líka fínu þarfahringi sem tengjast Uppeldi til ábyrgðar - Uppbyggingarstefnunni. Hlíðarstjörnurnar gerðu fallegann óróa sem hengdur var upp í Skála og Hagastjörnur gerðu hring sem settar var upp á Akri. Myndir af þessum listaverkum má sjá á myndasíðunni okkar eða smella hér.
 
24.jan
Mikil fjöldi mætti í hið árlega Pabba og afakaffi síðastliðinn föstudag þegar Þorrinn gekk í garð. Var boðið upp á kaffi, bollur og að sjálfsögðu hákarl og harðfisk. Virkilega gaman að fá svona marga í heimsókn til okkar , sjá myndir á myndasíðunni okkar eða smella hér.
 
17.jan
Föstudaginn 20.janúar hefst Þorrinn - af því tilefni bjóðum við pöbbum og öfum í morgunkaffi frá kl. 08:30-10:00. Boðið verður upp á kaffisopa, harðfisk og hákarl.
Hlökkum til að sjá ykkur
 
13.jan
Nú er nýtt ár tekið við og starfsemin komin á fullt eftir gott jólafrí. Viljum minna ykkur á myndasíðurnar okkar en hver heimastofa er með sína myndasíðu, ekki má heldur gleyma myndbandssíðunni okkar er þar eru sett inn stutt myndbandsbrot af leik og starfi barnanna í Lautinni.

 
13.jan
Frá og með 1. janúar 2012 verða gjaldskrábreytingar á vistunargjöldum í leikskólanum. Sjá nánar undir tenglinum upplýsingar eða smella hér.
 
20.des
Kæru foreldrar
Í leikskólum landsins er mikið um að vera í desember. Undirbúningur jólahátíðarinnar veldur mikilli tilhlökkun og spennu ekki síst hjá blessuðum börnunum okkar. Við hér í Lautinni reynum eftir fremsta megni að skapa jafnvægi og ró í starfinu.

Dagskráin hófst með hefðbundnum hætti. Bakaðar voru smákökur, foreldrafélagið bauð upp á leikrit um Strákinn sem týndi jólunum. Svo hefur verið föndrað og skreytt, sungið og farið í kirku. Einnig var farið í Friðargönguna sem er árviss atburður. Jólaball var á vegum Foreldrafélagsins sem tókst ljómandi vel. Dansað í kringum jóltré ásamt Stekkjastaur sem kom fyrst til okkar og gaf svo flestum börnum landsins í skóinn um nóttina.

Jólastund var hér i Laut þar sem allir komu saman á sal skólans og sungu- lesin var jólasaga og kennarar léku Grýslusögu að hætti húsins.
Um leið og við óskum foreldurm og börnum gleðilegra jóla vonum við að allir finni fyrir helgi og frið sem best í faðmi fjölskyldu og vina.
     Jólakveðja - leikskólastjóri

 
9.des
Sælir foreldrar góðir
Börnin fengu afhentan í dag jólapakka sem okkar yndislega Foreldrafélag gefur þennan jólapakka á að opna núna því að í pakkanum er bók sem heitir : 13 þrautir jólasveinanna en í henni er að finna fjöldann allan af skemmtilegum þrauta -og litasíðum. Einnig má finna ýmsan fróðleik um þá sveina.
kærar þakkir - Foreldrafélag
 
8.des
 Jólaball
 Sunnudaginn 11.des verður hið árlega jólaball Foreldrafélagsins á Leikskólanum Laut
Hlíð og Hagi frá kl. 13:00-14:00
Múli og Eyri frá kl. 14:30-15:30
Margrét Erla, Gígja og Stefanía sjá um tónlistina og sjá til þess að allir komist í jólastuð.Að sjálfsögðu verður líka Sveinki á ferðinni til að gleðja börnin og hægt verður að taka myndir með honum á staðnum.
Foreldrafélagið býður upp á heitt súkkulaði og smákökur.
Hlökkum til að sjá ykkur.
Jólakveðja frá stjórn foreldrafélagsins
2.des
Foreldrafélagið auglýsir eftir áhugasömu fólki til starfa í félaginu eftir áramótin. Áhugasamir hafi samband við  Gígju formann gigjaey@gmail.com eða Bínu leikskólastjóra .

 
2.des
Foreldrafélagið okkar bauð börnunum upp á hið árlega jólaleikrit á mánudaginn. Leikritið Strákurinn sem týndi jólunum varð fyrir valinu þetta árið. Leikritið er frumsamið af leikhópnum Vinir og fjallar um strák sem hefur týnt jólagleðinni. Börnin skemmtu sér hið besta sem og kennarar - Ástarþakkir fyrir okkur kæra Foreldrafélag - myndir á myndasíðunni eða smella hér.
 
2.des
Lettneskur dagur var í Lautinni í síðustu viku - börnin horfðu á ýmsan fróðleik um Lettland og hún Eva María okkar tók lagið á lettnesku fyrir okkur - svo fengum við lettnesk buff í matinn en hún Inga móðir Evu Maríu aðstoðaði í eldhúsinu þennan dag. Myndir frá deginum er að finna  á myndasíðunni okkar eða smella hér.
 
21.nóv
 Jóladagskrá Lautar er komin á heimasíðunni en hér til hægri er tengill sem heitir Jólasíða og þar er hægt að finna ýmislegt fróðlegt um jólahald, jólasöngva ofl.
 
21.nóv
Starfsáætlun Lautar 2011-2012 er komin á heimasíðuna undir Upplýsingar eða smella hér.
7.nóv
Foreldrar athugið
Mánudaginn 14.nóv n.k. er starfsdagur á leikskólanum, þann dag er leikskólinn lokaður.
 

3.nóv

GRINDAVÍK ÞARF AÐ TAKA SIG Á!
 
Kæra foreldri/forráðamaður sem átt barn á leikskóla í Grindavík!
 
Það er ljóst að Grindvíkingar verða að taka sig verulega á hvað varðar bílbeltanotkun barna sem eru á leið á leikskólana miðað við könnun sem birt var fyrir skömmu. Slysavarnadeildin Þórkatla sá um framkvæmd könnunarinnar við leikskólana Laut og Krók í Grindavík og eru niðurstöðurnar óásættanlegar fyrir Grindavík, sem er í næst neðsta sæti.
 
Umferðarstofa og Slysavarnafélagið Landsbjörg lögðu fyrir hina árlegu könnun á öryggi barna í bílum í maí s.l. Könnunin var gerð við 68 leikskóla víða um land með 2.504 þátttakendum.
 
Niðurstaðan varð sú að af þeim 68 leikskólum þar sem könnunin var gerð kom í ljós að Krókur var í 65. sæti og Laut í því 67, sem er verulegt umhugsunarefni fyrir okkur Grindvíkinga.
 
Krókur: Rúm 70% barna notuðu réttan öryggisbúnað, bílstól eða púða. Tæp 15% notuðu eingöngu bílbelti en það er ekki fullnægjandi búnaður fyrir aldurshópinn og rúm 15% voru laus í bifreið, án öryggisbúnaðar.
 
Laut: Tæp 70% barna notuðu réttan öryggisbúnað, bílstól eða púða. Rúm 30% notuðu eingöngu bílbelti en það er ekki fullnægjandi búnaður fyrir aldurshópinn. >>meira
 
Grindavík kom næst verst út af öllum stöðum á landinu og er á meðal þriggja sveitarfélaga þar sem öryggi barna í bílum nær ekki 80%.
 
Einnig var gerð könnun á notkun ökumanna með bílbelti. Þar kom Grindavík aftur illa út, en rúm 20% ökumanna sem áttu leið á leikskólana voru ekki í bílbeltum.
 
Á næstu vikum munu leikskólarnir í samstarfi við foreldrafélögin, slysavarnadeildina Þórkötlu, Grindavíkurbæ, lögreglu og Umferðarstofu gera átak í því að fá foreldra/forráðamenn til þess að huga betur að öryggi barna í bílum og auka bílbeltanotkun. Markmiðið er að koma Grindavík í fremstu röð því núverandi ástand er algjörlega óásættanlegt. Með sameiginlegu átaki okkar allra er allt hægt!
 
Með kveðju!
 
Leikskólarnir Krókur og Laut
Grindavíkurbær
Slysavarnadeildin Þórkatla
Lögreglan
Umferðarstofa
 

 
 
17.okt
Foreldrar athugið.

Fimmtudaginn 27.október kl.20:00 kemur Páll Ólafsson félagsráðgjafi í heimsókn til okkar á sal skólans og heldur kynningu á Uppbyggingarstefnunni. Við hvetjum foreldra til að kynna sér þessa stefnu sem unnið er eftir hér í leikskólanum og í Grunnskóla Grindavíkur. Þessi fyrirlestur er í boði Foreldarfélagsins.
 
3.okt
Breyting á skipulagi.
Frá og með 1. okt. falla niður tónlistartímar í þeirri mynd sem verið hefur en verður framvegis sinnt inn á heimastofunum. Sameiginleg söng og skemmtistund verður fyrsta föstudag í mánuði og dans síðasta föstudag í mánuði.
Leikskólastjóri
 
 
19.sep
 Við upphaf leikskóladvalar er gerður skriflegur samningur við foreldra um vistunartíma barnanna. Dvalarsamningur segir til um dvalartíma barnsins. Við biðjum foreldra að virða þennan samning, því fjöldi starfsmann fer eftir viðveru barnanna á hverjum tíma. Ef dvöl barns lýkur klukkan 14:00 á það að vera farið út af heimastofu á þeim tíma. Séu börnin sótt of seint er rætt við foreldra um það. Mjög mikilvægt er að foreldrar fylgi þeim vistunartíma sem þeir hafa valið sér í dvalarsamningi.
Ef þörf verður á að endurskoða þennan samning þá þarf að sækja um það skriflega til leikskólastjóra með mánaðarfyrirvara og miðast við mánaðarmót.
 

Forsíða

Til baka á Eyri

Leikskólinn Laut - Laut 1 -  Grindavík s: 426-8396   leikdal@grindavik.is